Polısııa departamentiniń habarlaýynsha, tártip saqshylary kúdiktiniń páterinen jasyl tústi zat toltyrylǵan 11 túıinshek pen elektrondy tarazy tárkilegen. Hımııalyq sot saraptamasy jasyl tústi túıinshekterdiń ishindegi zattyń gashısh esirtkisi ekenin anyqtap otyr. Páterge tintý júrgizgen polıseıler kerýet astynan 12 kalıbrli ańshy myltyǵyn tapqan.
Qazir kúdikti qamaýǵa alyndy. Onyń ústinen qylmystyq is qozǵalyp, QK 297 babynyń 3 bólimi boıynsha sotqa deıingi tergeý amaldary júrip jatyr. Eger qylmysy dáleldense, 10 jyldan 15 jylǵa deıin bas bostandyǵynan aıyrylýy múmkin, - dedi oblystyq PD bastyǵynyń keńesshisi Elena Kasharına.
Oblysta jyl basynan beri zańsyz aınalymda júrgen 4 keliden astam esirtki zattary tárkilengen.
Qostanaı
