Sharaǵa Nur-Sultan, Qaraǵandy, Kókshetaý, Pavlodar, Petropavl qalalaryndaǵy aýylsharýashylyq tehnıkalaryn satýmen aınalysatyn deldal kompanııalarmen qatar, Reseıdiń tehnıka shyǵaratyn kásiporyndarynan ókilder keldi. Ár kompanııa kópshilikke ózderiniń eń sońǵy úlgidegi zamanaýı tehnıkalaryn tanystyryp, artyq tustaryn túsindirip baqty.
– Biz Qostanaıda ótetin kórmege birinshi ret qatysyp otyrǵan joqpyz. Bıyl RSM 2375 traktoryn ákeldik. Kókshetaýda qurastyrylǵan. Bul tehnıkada myń attyń kúshi bar. Bágine 927 lıtr janarmaı syıyp ketedi, - deıdi «Rostelmash» kompanııasynyń menejderi Asqar Moldaǵalıev.
Oblystyq aýyl sharýashylyǵy basqarmasy basshysynyń orynbasary Tóleýtaı Erjanov «AgroQostanaı-2020» ataýymen ótip jatqan bul kórmeniń óńirdegi taýar óndirýshiler úshin mańyzy zor ekenin atap ótti.
– Búgin ondaǵan kásiporyn aýyl sharýashylyǵy salasyndaǵy jetistikterimen bólisip otyr. Bul – eginmen, mal sharýashylyǵymen aınalysatyn qostanaılyqtar úshin orasan múmkindik, - dedi ol.
Qostanaı
