2013 jylǵy 14 maýsym, Astana qalasy
Balalarǵa arnalǵan qosymsha bilim berý uıymdary túrleri qyzmetiniń úlgilik qaǵıdalaryn bekitý týraly
«Bilim týraly» Qazaqstan Respýblıkasynyń 2007 jylǵy 27 shildedegi Zańynyń 5-babynyń 44-5) tarmaqshasyn iske asyrý maqsatynda buıyramyn:
1. Qosa berilip otyrǵan Balalarǵa arnalǵan qosymsha bilim berý uıymdary túrleri qyzmetiniń úlgilik qaǵıdalary bekitilsin.
2. Mektepke deıingi jáne orta bilim departamenti (J.A. Jontaeva):
1) osy buıryqty Qazaqstan Respýblıkasy Ádilet mınıstrliginde belgilengen tártipte memlekettik tirkelýin;
2) osy buıryqty memlekettik tirkeýden ótkennen keıin buqaralyq aqparat quraldarynda jarııalanýyn;
3) osy buıryqty bilim berý uıymdarynyń nazaryna jetkizilýin qamtamasyz etsin.
3. Osy buıryqtyń oryndalýyn baqylaý vıse-mınıstr M.A. Ábenovke júktelsin.
4. Osy buıryq alǵash resmı jarııalanǵan kúninen bastap on kúntizbelik kún ótken soń qoldanysqa engiziledi.
Mınıstr B.Jumaǵulov.
Qazaqstan Respýblıkasy Bilim jáne ǵylym mınıstriniń
2013 jylǵy 14 maýsymdaǵy № 228 buıryǵymen bekitilgen
Balalarǵa arnalǵan qosymsha bilim berý
uıymdary túrleri qyzmetiniń úlgilik qaǵıdalary
1. Jalpy erejeler
1. Osy balalarǵa arnalǵan qosymsha bilim berý uıymdary túrleri qyzmetiniń úlgilik qaǵıdalary (budan ári – qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 44-5) tarmaqshasyna (budan ári – «Bilim týraly» Zańy), «Tıisti úlgidegi bilim berý uıymdary, onyń ishinde balalarǵa arnalǵan qosymsha bilim berý baǵdarlamalaryn iske asyratyn bilim berý uıymdary qyzmetiniń úlgilik qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 17 mamyrdaǵy № 499 qaýlysyna sáıkes ázirlengen jáne balalarǵa arnalǵan qosymsha bilim berý uıymdarynyń barlyq túrleriniń menshik nysandaryna jáne vedomstvolyq baǵynystylyǵyna qaramastan qyzmetiniń tártibin aıqyndaıdy.
2. Balalarǵa arnalǵan qosymsha bilim berý uıymy – bilim alýshylardyń, onyń ishinde múmkindigi shekteýli balalardyń, jeke adamnyń, qoǵam men memleket múddesindegi bilim berý jáne mádenı qajettilikterdi qanaǵattandyrý maqsatynda qosymsha bilim berýdiń oqý baǵdarlamalaryn iske asyratyn bilim berý uıymy.
3. Balalarǵa arnalǵan qosymsha bilim berý uıymdarynyń negizgi mindetteri:
1) ulttyq jáne jalpy adamzattyq qundylyqtar, ǵylym men praktıka jetistikteri negizinde jeke adamdy qalyptastyrýǵa, damytýǵa jáne kásiptik shyńdaýǵa baǵyttalǵan sapaly bilim alý úshin qajetti jaǵdaılar jasaý;
2) jeke adamnyń shyǵarmashylyq, rýhanı jáne kúsh-qýat múmkindikterin damytý, olardy iske asyrý;
3) adamgershilik pen salaýatty ómir saltynyń berik negizderin qalyptastyrý, jeke adam daralyǵyn damytý úshin jaǵdaılardyń jasalý joldary arqyly oı-órisin baıytý;
4) azamattyq pen patrıotızmge, óz Otany – Qazaqstan Respýblıkasyna degen súıispenshilikke, memlekettik rámizder men memlekettik tildi qurmetteýge, halyq dástúrlerin qasterleýge, Konstıtýsııaǵa qaıshy jáne qoǵamǵa jat kez kelgen kórinisterge nemquraıdy qaramaýǵa tárbıeleý;
5) belsendi azamattyq ustanymy bar jeke adamdy tárbıeleý, respýblıkanyń qoǵamdyq-saıası, ekonomıkalyq jáne mádenı ómirine qatysý qajettigin, jeke adamnyń óz quqyqtary men mindetterine sanaly kózqarasyn qalyptastyrý;
6) balalardyń ekologııalyq mádenıetin tárbıeleý, olardy tabıǵatty qorǵaý qyzmetine tartý;
7) qoǵam ómirine beıimdeý;
8) olardyń bos ýaqytyn mazmundy uıymdastyrý bolyp tabylady.
4. Balalarǵa arnalǵan qosymsha bilim berý uıymdarynyń túrlerine:
1) qosymsha bilim berýdiń oqý-ádistemelik ortalyǵy;
2) oqýshylar saraıy (úı, ortalyq, keshen, balalar jáne jasóspirimder shyǵarmashylyq ortalyǵy);
3) jas natýralıster beketi (balalar ekologııalyq ortalyǵy, bıologııalyq ortalyq, ekobıoortalyǵy, balalar jáne jasóspirimderdiń ekologııa jáne ólketaný ortalyǵy);
4) jas tehnıkter beketi (ortalyq, balalar jáne jasóspirimderdiń tehnıkalyq shyǵarmashylyq mektebi);
5) jas týrıster beketi (balalar jáne jasóspirimder týrızm ortalyǵy, balalar jáne jasóspirimderdiń ekologııa jáne týrızm ortalyǵy, balalar jáne jasóspirimderdiń týrızm jáne ólketaný ortalyǵy);
6) balalar aýla klýby, balalar áskerı-patrıottyq klýby (basqa da klýbtyq demalys uıymdary);
7) balalar óner mektebi (balalar mýzyka mektebi, balalar kórkemóner mektebi, balalar óner mektebi jáne kórkemdik-estetıkalyq baǵyttaǵy basqa mektepter);
8) balalar saýyqtyrý lageri (ortalyq, keshen, qala syrtyn
