Elimizde qabyldanǵan «Jumyspen qamtý-2020» baǵdarlamasynyń qamqorlyǵynyń arqasynda Shárápıden men Leıla Ábeldınovterdiń otbasy qazir aýdan ortalyǵy Tereńkól aýylynda turady. Balaly-shaǵaly otbasynda 4 bala ósip keledi. Biz budan buryn da jolsaparmen júrgen kezde osy otbasynyń jańa úı alǵan qýanyshtaryna ortaq bolǵanbyz.
Elimizde qabyldanǵan «Jumyspen qamtý-2020» baǵdarlamasynyń qamqorlyǵynyń arqasynda Shárápıden men Leıla Ábeldınovterdiń otbasy qazir aýdan ortalyǵy Tereńkól aýylynda turady. Balaly-shaǵaly otbasynda 4 bala ósip keledi. Biz budan buryn da jolsaparmen júrgen kezde osy otbasynyń jańa úı alǵan qýanyshtaryna ortaq bolǵanbyz. Arnaıy maqala jazbasa da, aýdan týraly jalpylaı jazylǵan maqalada jańa úı alýshylardyń qatarynda atalǵany bar edi. Endi gazetten tapsyrma kelgende Leıla men Shárápıdenniń tanys esimderin kórip, qýanyp qaldyq. Úlken uldary Álıhan Buqaev sharýa qojalyǵynda jumys jasaıdy. Álibek bolsa 3-toptaǵy múgedek, pedagogıkalyq kolledjde dene shynyqtyrý jáne sport mamandyǵy boıynsha bilim alýda. Al, qyzdary Malıka men Zarema mektep oqýshylary. Qyzdarymyz da qýanyshty, óıtkeni, alǵan úıimiz mekteptiń dál janynda. О́tken jyly naýryz aıynda aýdan ortalyǵynan páter kiltin alyp, qatty qýandyq. Buǵan deıin shaǵyn ǵana aýylda turdyq. Jumys bola ma, bolmaı ma, ylǵı da kúmándi kúıde júrdim. Balalar bolsa, ósip keledi. Aýdandyq ákimdikten osy baǵdarlamaǵa qatysý jóninde usynys túskende, izdegenge suraǵan dep, árıne, birden kelisim berdim. Qazir, mine, jol jóndeý brıgadasynda jumys jasaımyn. Áıelim Leıla bolsa úı sharýasynda. Alǵan úıimiz tamasha, balalar da, biz de osyndaı jańa úıge, jaqsy turmysqa qol jetkizemiz, aýdan ortalyǵynyń ózinde turamyz dep tipti de oılaǵan joqpyz. Bara-bara baý-baqsha, qora-qopsy salyp, tirshiligimizdi odan ármen jaqsy jaǵdaıǵa jetkizemiz, deıdi Shárápıden Ábeldınov bizben áńgimesinde.
Bul kúnderi Ábeldınovter otbasy Tereńkól aýylyndaǵy Táýelsizdik kóshesindegi №54 úıde turady. Otbasyna baǵdarlama aıasynda tıisti áleýmettik kómek kórsetildi. Qazir Shárápıden turǵan aýylda 63 adam bar. «Jumyspen qamtý-2020» baǵdarlamasy aıasynda eki jylda aýdan ortalyǵyna bizden basqa 19 otbasy kóshirildi. Sondyqtan barlyq jumysqa qabileti bar adamdar jumyspen qamtý ortalyǵy arqyly jumysqa turýǵa nemese kásibı oqýǵa, sol sııaqty qaıta daıarlaýǵa jáne biliktiligin arttyrýǵa múmkinshilikteri bar, deıdi aýdan ákim Nurlan Kúljan. Al jalpy, aýdanda «Jumyspen qamtý-2020» baǵdarlamasynyń negizinde ótken jyly 24 páterli úıdiń qurylysy aıaqtalsa, jýyrda taǵy bir 24 páterli úıdiń kilti turǵyndar ıgiligine tartý etilmek.
Farıda BYQAI,
«Egemen Qazaqstan».
Pavlodar oblysy,
Qashyr aýdany.
