Imandylyq pen iskerlikti qatar ushtastyrǵan azamattyń bir armany – halal ónimder shyǵaratyn óndiris ornyn ashý
Aýdan ortalyǵy Beskól kentine jete bergende «Jeke kásipker Ahmýtdınovtyń kásiporny» degen jazý anadaıdan kózge shalynady. Buryn bul mańaı aramshóp qaýlaı ósken, adam aıaǵy tımegen qulan dúz bolsa, búginde qaınaǵan qyzý eńbek alańyna aınalǵanyn ańǵarý qıyn emes.
Imandylyq pen iskerlikti qatar ushtastyrǵan azamattyń bir armany – halal ónimder shyǵaratyn óndiris ornyn ashý
Aýdan ortalyǵy Beskól kentine jete bergende «Jeke kásipker Ahmýtdınovtyń kásiporny» degen jazý anadaıdan kózge shalynady. Buryn bul mańaı aramshóp qaýlaı ósken, adam aıaǵy tımegen qulan dúz bolsa, búginde qaınaǵan qyzý eńbek alańyna aınalǵanyn ańǵarý qıyn emes.
О́ndiris oryndarymen qanattasa boı kótergen keńse úıi, aǵash óńdeý sehtary, atshaptyrym aýla ishinde teńdeı jınastyrylyp qoıylǵan shıkizat jáne daıyn buıym ónimderi, qaz-qatar tizilgen jańa stanoktar erteńgisin kúni buryn oılastyrylyp, aldaǵy kúnniń kókjıegine kemeldilikpen kóz jibergen uqypty, sharýaqor jannyń tynymsyz tirshiliginen habar bergendeı. Reseıdiń Omby oblysynda týyp-ósken Sermuhamed áke aqylymen týǵan jerge oralysymen keıbireýler sekildi oralmandyq mártebesin buldap, qol qýsyryp qarap otyrǵan joq. Ata-ananyń tálim-tárbıesimen eńbekpen shyńdalyp ósken ol alǵashqy jyldary janar-jaǵarmaı saýdasy, otyn daıyndaý sekildi maýsymdyq jumystarmen aınalysyp júrdi. Ýaqyt óte turaqty kásipsiz bala-shaǵa nápaqasy bolmaıtynyn túsinip, jıǵan-tergenine ıesiz qalǵan aǵash óńdeý sehyn satyp alyp, qalpyna keltirdi. Bastapqyda nebir qıyndyqtar kezdeskenimen, keıin sharýasy ornyqty damý aldy. Jergilikti 12 turǵyndy turaqty jumysqa qabyldady. Sheteldiń ozyq qondyrǵylary men qural-jabdyqtary jetkizilip, óndiris qýaty artqannan keıin jumysshylardyń sany 45 adamǵa deıin kóbeıdi. Arnaıy brıgadalar nemis-shved fırmasynda shyǵarylatyn aǵash kesetin «Shtıl» aralaryn, arnaıy kótergish qondyrǵylar ornatylǵan tehnıkalardy qoldana otyryp, Qyzyljardyń orman-toǵaıynan jylyna 34 myń tekshe metrge deıin aǵash daıyndaıdy. О́ńdelgen ónimder oblys ortalyǵynan basqa Almaty, Qaraǵandy, Shymkent qalalaryna, Reseıdiń shekaralas aımaqtaryna jóneltiledi. Ásirese, turǵyn úıler salýǵa arnalǵan tórt qyrly jýan bóreneler, úı qorshaýlary, esik-tereze, kúrek, balta, balǵa saptary úlken suranysqa ıe. «Kózin tapqanǵa tabys qyrýar» degen osy.
Osylaısha, bir salaǵa mamandanyp, qyr-syryna ábden qanyǵyp alǵan ol byltyr «Jumyspen qamtý-2020» baǵdarlamasy sheńberinde taǵy bir tyń bastamany óristetýge bel baılady. Atap aıtqanda, atalmysh baǵdarlamanyń úshinshi baǵyty boıynsha jeńildikti nesıe alyp, ashana, dúken turǵyzdy. Olardy sapaly etpen qamtamasyz etý maqsatymen qosalqy sharýashylyq qurdy. Iri qara mal, jylqy, qoı, qaz-úırek, úı qoıanyn baǵýǵa bolashaǵy joq eldi mekenderden kóship kelgen 5 adam tartyldy. Ujym múshelerine arnap qoljetimdi 11 úı salyp berdi. Shyǵynnyń jartysyn kásiporyn óteıdi.
– Endigi oıymyz – biz sııaqty kásipkerler úshin tıimdiligi mol memlekettik jobalarmen yntymaqtasa jumys isteýdi odan ári jalǵastyryp, jyl aıaǵyna deıin aǵash ónimderin qaldyqsyz óńdeıtin shaǵyn zaýyt turǵyzý. Negizgi óndiris qaldyqtaryn otyndyq ájetke jaratyp, zeınetkerlerge, turmysy tómen otbasylarǵa arzan baǵaǵa beretin bolamyz. Bilikti mamandar daıyndaý úshin aýdandyq jumyspen qamtý jáne áleýmettik baǵdarlamalar bóliminiń joldamasymen kásibı daıarlyqtan ótken A. Klopkın, A. Reıbant jáne A. Chernobrovkın degen úsh azamatty qyzmetke qabyldap, tájirıbeli tálimgerler bekitip berdik. Budan tysqary orta arnaýly bilimi bar jastardy da qatarymyzǵa tarttyq. Belarýsten aǵash tiletin eki stanok, Reseıden reısmýstyq súrgi qondyrǵylaryn aldyrttyq. Olar Bogolıýbov aýylynda jáne aýdan ortalyǵynda jumys istep tur. Qazaqy ústel, astaý sekildi ulttyq buıymdardy halal talaptaryna saı shyǵarsaq degen josparymyz bar, – deıdi áńgime arasynda isker basshy, aýdandyq máslıhattyń depýtaty Sermuhamed qajy Ahmýtdınov.
Onyń jetekshiligindegi óndiris orny bıznestiń áleýmettik jaýapkershiligi júldegerleri qatarynda. Byltyr Táýelsizdik saraıynda ótken Indýstrııalandyrý kartasyna engen nysandardy iske qosý telekópiri kezinde «Úzdik áleýmettik jaýapty kásiporyn» atalymyn ıelendi. Prezıdenttiń Qurmet gramotasymen marapattalýy da tókken terdiń aqtalǵanyn aıǵaqta
