Ústimizdegi jyldyń qarasha aıynda Astana qalasynyń Saryarqa aýdany aımaǵynda bir aýysymda 750 adamǵa medısınalyq qyzmet kórsetetin jańa ambýlatorııalyq-emhanalyq keshen paıdalanýǵa beriledi, dep habarlaıdy Astana qalasynyń densaýlyq saqtaý basqarmasy.
Ústimizdegi jyldyń qarasha aıynda Astana qalasynyń Saryarqa aýdany aımaǵynda bir aýysymda 750 adamǵa medısınalyq qyzmet kórsetetin jańa ambýlatorııalyq-emhanalyq keshen paıdalanýǵa beriledi, dep habarlaıdy Astana qalasynyń densaýlyq saqtaý basqarmasy. Astana qalasy búginde álemdegi eń jyldam damyp kele jatqan megapolısterdiń birinen sanalady. Qalalyq statıstıka departamentiniń derekteri boıynsha, elordamyzdyń turǵyndary jyl saıyn 40 myń adamǵa kóbeıip otyrady. Bul degenińiz, bir jylda qala halqy Rýdnyı, Kentaý sııaqty qalalardyń halqyna teń turǵyndarmen tolyǵady degen sóz. Sondyqtan elordada sońǵy jyldary emhanalardyń jetispeýshiligi erekshe ótkir bolyp otyr. Astana qalasynyń ákimdigi bul kókeıkesti máseleni sheshýde keshendi sharalar júrgizip keledi.
Joǵaryda aıtqanymyzdaı, aldaǵy ýaqytta Astana qalasyndaǵy Jambyl, 2-Almaty jáne Seıfýllın atyndaǵy kóshelerdiń qıylysynda bir aýysymda 500 eresek adamdarǵa jáne 250 balalarǵa medısınalyq qyzmet kórsetetin ambýlatorııalyq-emhana kesheni paıdalanýǵa beriledi. Bul emhana kesheni Saryarqa aýdanynyń turǵyndaryna sapaly medısınalyq qyzmet kórsetýdi jaqsartady. Jańa emhana kesheni búgingi óskeleń talaptarǵa jaýap beretin ozyq medısınalyq jabdyqtarmen jaraqtandyrylǵan. Búginde ambýlatorııalyq-emhanalyq keshendi bilimdi de bilikti kadrlarmen tolyqtyrý sharalary júrip jatyr.
Nııaz JYLQYBAEV.
