Qazirgi tańda olar Tobyl qalasyndaǵy provızorlyq gospıtalda jatyr. Jaǵdaılary - qanaǵattanarlyq. Al Shveısarııadan kelgen 1 adam «b» sanaty boıynsha úı karantıninde jatyr. Bulardyń barlyǵy da Qazaqstan azamattary.
Ekinshi sanat boıynsha 7 adamǵa turǵylyqty meken jaıynan shyqpaý, adamdar kóp shoǵyrlanǵan jerlerge barmaý, eshkimmen jaqyn sóılespeý jóninde nusqaý berilgen. Olardy dárigerler kún saıyn qońyraý shalyp, 14 kún boıy baqylaýda ustaıtyn bolady.
Koronovırýs indeti jaılaǵan shetelderden kelgen adamdar Tobyl qalasyndaǵy 695 jatynoryndyq provızorlyq stasıonarǵa jatqyzylady. Munyń syrtynda, Qostanaı qalasyndaǵy oblystyq aýrýhana men Rýdnyı qalalyq aýrýhanasy janynan qosymsha ınfeksııalyq stasıonarlar ashyldy.
«Drýjba» shıpajaıy men Meńdiqara aýdanyndaǵy Qarabaev atyndaǵy ońaltý ortalyǵynda da karantın qory bar.
Búginde Reseımen shekaralas óńirlerde 8 sanıtarlyq-karantındik pýnkt jasaqtalǵan. Onda medısınalyq qyzmetkerler, epıdemıologtar jáne shekara qyzmetteri táýlik boıy jumys istep jatyr. О́tken táýliktiń ishinde shekaradan jalpy sany 1141 adam ótken. Aımaqta jaǵdaı turaqty. Koronovırýs indetin juqtyrǵandar joq.
QOSTANAI
