Bul ýaqytta Amangeldiniń kórshisi Zınaıda Ýfımseva úıinde kámeletke tolmaǵan úsh balasymen birge qannen-qapersiz uıyqtap jatady. Syrtqy esikti buzyp kirgen jigit aldymen bir bólmede jatqan kórshisi men onyń eki jas balasyn tabady. Uıqyly-oıaý balalar ne bolǵanyn túsinbeı jatqanyna qaramaı, olardy qushaqtaǵan boıy kezekpen dalaǵa shyǵarady. Sóıtse, balalar tútinge tunshyǵyp, esterinen aırylyp qalǵan eken. Kórshi áıeldiń ózi de esin shala biledi. Jigit ony da ottan jedel shyǵarady. Basyn qaterge tige júrip Amangeldi úshinshi balany da qutqarady. Bárin de óziniń úıine kirgizip, tańǵy yzǵardan búrseńdegen juqa kıimdi jandardy jylytady. Sóıtip, bir úıli jandy túgel qutqarǵannan keıin ǵana dabylyn bezildetip, órtsóndirýshiler jetedi. Eger Amangeldi basyn qaterge tigip, kórshilerin alyp shyqpaǵanda olardyń tiri qalýy neǵaıbil eken. «Ne qylǵan erlik», deıdi Ábekeń myrs etip, «meniń ornymda kez kelgen adam osyny ister edi ǵoı». Alaıda, bireý úshin bastaryn mundaı qaterge tigetinder tabyla qoıýy ońaı emes.
PETROPAVL
