Altaı taýy tákappar aq bas shyńdarymen, aıbarly quzdarymen ǵana emes, saı-sala, beles-betkeılerindegi ań-qustarymen de qymbat. Sýrettegi myna bir sulý qusty jaqynda, naqtyraq aıtsaq, 3 aqpanda Katonqaraǵaı memlekettik ulttyq tabıǵı parkiniń ǵylymı bóliminiń aǵa qyzmetkeri Vladımır Vorobev fototuzaqqa túsirip alǵan eken. «Sýrettegi ádemi qus aq kekilik dep atalady. Sýret pen vıdeo park aýmaǵyndaǵy Sarymsaqty jotasynda túsirilgen. Aq kekilik ádette bıik taýdy mekendeıdi. Teńiz deńgeıinen 2500 metrden bıik jerlerde júredi. Adam kózine kóp túse bermeıdi» deıdi parktiń ǵylymı bóliminiń jetekshisi Álııa Ulanbekqyzy.
Bul qus soltústik Amerıka men Grenlandııa araldaryn da mekendeıdi eken. 1955 jyldan beri AQSh-tyń Alıaska shtatynyń memlekettik sımvoly retinde tanylypty.
Shyǵys Qazaqstan oblysy,
Katonqaraǵaı aýdany
