2013 jylǵy 21 tamyz, Astana, Úkimet Úıi
«Aqyly júrýdi uıymdastyrý úshin konsessıonerge nemese avtomobıl joldaryn basqarý jónindegi zańdy tulǵaǵa berilgen avtomobıl joldary boıynsha júrgeni úshin konsessıonerdiń nemese avtomobıl joldaryn basqarý jónindegi zańdy tulǵanyń paıdasyna aqy alý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 30 sáýirdegi №427 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Aqyly júrýdi uıymdastyrý úshin konsessıonerge nemese avtomobıl joldaryn basqarý jónindegi zańdy tulǵaǵa berilgen avtomobıl joldary boıynsha júrgeni úshin konsessıonerdiń nemese avtomobıl joldaryn basqarý jónindegi zańdy tulǵanyń paıdasyna aqy alý qaǵıdalaryn bekitý týraly» Qazaqstan Respýblıkasy Úkimetiniń 2013 jylǵy 30 sáýirdegi №427 qaýlysyna mynadaı ózgerister engizilsin:
taqyryby mynadaı redaksııada jazylsyn:
«Aqyly avtomobıl jolymen (jol ýchaskesimen) júrip ótý úshin aqy alý qaǵıdalaryn bekitý týraly»;
1-tarmaq mynadaı redaksııada jazylsyn:
«1. Qosa berilip otyrǵan Aqyly avtomobıl jolymen (jol ýchaskesimen) júrip ótý úshin aqy qaǵıdalary bekitilsin.»;
kórsetilgen qaýlymen bekitilgen Aqyly júrýdi uıymdastyrý úshin konsessıonerge nemese avtomobıl joldaryn basqarý jónindegi zańdy tulǵaǵa berilgen avtomobıl joldary boıynsha júrgeni úshin konsessıonerdiń nemese avtomobıl joldaryn basqarý jónindegi zańdy tulǵanyń paıdasyna aqy alý qaǵıdalary osy qaýlyǵa qosymshaǵa sáıkes jańa redaksııada jazylsyn.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 21 tamyzdaǵy №823 qaýlysyna qosymsha
Qazaqstan Respýblıkasy Úkimetiniń 2013 jylǵy 30 sáýirdegi №427 qaýlysymen bekitilgen
Aqyly avtomobıl jolymen (jol ýchaskesimen) júrip ótý úshin aqy alý qaǵıdalary
1. Jalpy erejeler
1. Osy Aqyly avtomobıl jolymen (jol ýchaskesimen) júrip ótý úshin aqy alý qaǵıdalary (budan ári – Qaǵıdalar) «Avtomobıl joldary týraly» 2001 jylǵy 17 shildedegi Qazaqstan Respýblıkasy Zańynyń (budan ári – Zań) 5-babyna sáıkes ázirlendi jáne aqyly avtomobıl jolymen (jol ýchaskesimen) júrip ótý úshin aqyl alý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) aqyly júrýdi uıymdastyrýshy – Avtomobıl joldaryn basqarý jónindegi ulttyq operator nemese konsessıoner;
2) aqyly júrýdi uıymdastyrý – qazirgi zamanǵy aqy tóleý tásilderin, avtokólik quraldarynyń gabarıtterin, salmaǵyn aıqyndaıtyn tehnıkalyq quraldardy paıdalaný arqyly aqyly avtomobıl joldary (jol ýchaskeleri) boıynsha júrip ótý úshin aqy alý prosesi;
3) aqy alý pýnkti – aqyly avtomobıl joldarynda (jol ýchaskelerinde) ornalasqan, avtokólik quraldaryn baqylaý men birdeılendirýge múmkindik beretin tehnıkalyq quraldarmen jabdyqtalǵan jáne onda avtomobıl joldaryn paıdalanýshylar júrip ótý úshin aqy tóledi júzege asyratyn ótkizý pýnkti;
4) POS-termınal – júrip ótý úshin aqy tóleý retinde avtomatty rejımde qolma-qol aqsha qabyldaýdy nemese tólem kartochkalaryn paıdalaný arqyly qolma-qol jasalmaıtyn tólemderdi qabyldaýdy júzege asyratyn elektrondyq-mehanıkalyq qurylǵy;
5) aralyq shep – avtokólik quraldaryn, onyń ishinde aqy alý pýnktterin aınalyp ótip aqyly avtomobıl jolyna (jol ýchaskesine) shyqqan avtokólik quraldaryn birdeılendirýge jáne esebin júrgizýge múmkindik beretin, aqyly avtomobıl joldarynyń (jol ýchaskeleriniń) boıynda ornalasqan tehnıkalyq quraldar,
6) qashyqtyqtan aqy tóleýge arnalǵan quraldar – tehnıkalyq qurylǵy, ony paıdalaný kezinde avtokólik quraly aqy alý pýnkti arqyly júrip ótken kezde aqyly avtomobıl joly (jol ýchaskesi) boıynsha júrip ótý úshin aqy avtomatty túrde júzege asyrylady;
7) avtomobıl joldaryn paıdalanýshylar – jol qozǵalysyna qatysýshylar bolyp tabylatyn nemese avtomobıl joldaryna bólingen beldeý men jol boıyndaǵy beldeý sheginde ózge de qyzmetti júzege asyratyn jeke jáne zańdy tulǵalar.
Osy Qaǵıdalarda paıdalanylatyn ózge de uǵymdar men anyqtamalar Qazaqstan Respýblıkasynyń zańnamasyna sáıkes qoldanylady.
2. Aqyly avtomobıl joldarymen (jol ýchaskelerimen) júrip ótý úshin aqy alý tártibi
3. Avtokólik quraldarynyń aqyly júrip ótýin uıymdastyrý aqyly avtomobıl joldaryna (jol ýchaskelerine) ótý men shyǵý joldarynda ornalasqan aqy alý pýnktterinde júze
ge asyrylady.
4. Aqyly avtomobıl jolymen (jol ýchaskesimen) júrip ótý avtomobıl jolyn paıdalanýshynyń Ulttyq operatormen nemese konsessıonermen jasasqan sharty negizinde júzege asyrylady. Aqyly avtomobıl jolyna (jol ýchaskesine) kirý pýnktin kesip ótken kez shartty jasasý kezi bolyp tabylady. Ulttyq operator nemese konsessıoner men aqyly avtomobıl joldaryn (jol ýchaskelerin) paıdalanýshylar arasyndaǵy aqyly avtomobıl joldaryn (jol ýchaskelerin) paıdalanýǵa arnalǵan shart jarııa shart bolyp tabylady.
5. Avtomobıl joldaryn paıdalanýshylardan júrip ótý úshin aqy Qazaqstan Respýblıkasynyń Úkimeti bekitken aqyly avtomobıl joldary (jol ýchaskeleri) boıynsha júrip ótý úshin aqy stavkasyna sáıkes alynady.
6. Aqyly avtomobıl joly (jol ýchaskesi) boıynsha avtokólik quraldarynyń júrip ótý úshin aqy Qazaqstan Respýblıkasynyń ulttyq valıýtasynda júrgiziledi.
7. Aqyly júrýdi uıymdastyrýshy aqyly avtomobıl joldaryn (jol ýchaskelerin) paıdalanýshylar úshin júrip ótý úshin aqy tóleýdiń mynadaı tásilderin qamtamasyz etedi:
1) aqy tóleý júrgizgenin rastaıtyn qujat pen artyq aqshany qaıtaryp berý arqyly POS-termınalǵa qolma-qol aqshamen;
2) POS-termınal arqyly tólem kartochkasynan qolma-qol jasalmaıtyn tólem arqyly;
3) qashyqtyqtan aqy tóleýge arnalǵan quraldardyń kómegimen aldyn ala aqy tóleý.
8. Aqyly júrýdi uıymdastyrýshy aqyly avtomobıl jolyna (jol ýchaskesine) shyǵý aldynda aqyly avtomobıl jolyna (jol ýchaskesine) shyǵý týraly aqparattyq tablo ornatady. Aqparattyq tabloda sondaı-aq mynadaı aqparat ornalastyrylady:
1) aqyly avtomobıl joldarymen (jol ýchaskelerimen) júrip ótý úshin aqy stavkalary;
2) ýchaskeniń uzyndyǵy;
3) júrip ótý úshin aqy tóleýdiń yqtımaly tásilderi;
4) aqyly joldardy (jol ýchaskelerin) paıdalanǵany úshin aqy tóleýden bosatylǵan avtomobıl joldaryn paıdalanýshylardyń tizbesi;
5) basqa da paıdaly aqparat.
9. Aqyly júrýdi uıymdastyrýshynyń aqy alý pýnktterinde óz ókilderi bar, olar aqyly avtomobıl joldarymen (jol ýchaskelerimen) júrip ótý men aqy tóleý tártibine qatysty paıdalanýshylarǵa týyndaǵan suraqtar boıynsha túsinikteme beredi.
10. Aqyly avtomobıl joldarymen (jol ýchaskelerimen) avtokólik quraldarynyń aqyly júrip ótýin uıymdastyrýdy aqyly júrýdi uıymdastyrýshy aqy alý pýnktinde jol keptelisteri qalyptaspaıtyndaı qamtamasyz etedi.
11. Aqyly avtomobıl joldarymen (jol ýchaskelerimen) júrip ótý úshin qashyqtyqtan aqy tóleýge arnalǵan quraldardyń kómegimen aqy tóleý úshin aqyly avtomobıl joldaryn (jol ýchaskelerin) paıdalanýshylar júrmesten buryn aldyn ala qashyqtyqtan aqy tóleýge arnalǵan quraldy ol satylatyn jerlerde satyp alady jáne ony osy quraldarǵa qosa berilgen nusqamaǵa sáıkes paıdalanady.
12. Eger aqy alý pýnkti arqyly júrip ótken kezde avtomobıl jolyn paıdalanýshynyń aqyly avtomobıl jolymen (jol ýchaskesimen) júrip ótý úshin aqy tóleýdi júzege asyrý múmkindigi bolmasa, aqy tóleý úshin shotty aqyly júrýdi uıymdastyrýshy avtokólik quralynyń ıesine avtokólik quralynyń tirkelgen mekenjaıy boıynsha jiberedi.
13. Aqy alý pýnkti jáne/nemese aralyq shep arqyly júrip ótken kezde aqyly júrýdi uıymdastyrýshy birdeılendirýshi tehnıkalyq jabdyq arqyly avtokólik quraldary týraly derekterdi jınaýdy jáne tirkeýdi júzege asyrady.
Mundaı derekter avtokólik quralynyń tirkeý nómirlik belgisin, júrip ótý kúni men ýaqytyn bekitetin avtokólik quraldarynyń beınesýreti bolyp tabylady.
14. Osy Qaǵıdalardyń 12-tarmaǵynda kórsetilgen derekter tıisti paıdalanýshylardyń aqyly avtomobıl joldaryn (jol ýchaskelerin) naqty paıdalanǵanyn rastaý bolyp tabylady jáne qupııa aqparat bolyp tabylady.
Aqyly júrýdi uıymdastyrýshy Qazaqstan Respýblıkasynyń zańnamasynda kózdelgen jaǵdaılardy qospaǵanda, oǵan úshinshi tulǵalardyń qoljetimdiligin shekteıdi. Derekter aqyly júrýdi uıymdastyrýshynyń serverlik jabdyǵynda jınaqtalady jáne bir jyl boıy saqtalady.
15. Eger avtokólik quraly aqy alý pýnktin aınalyp ótip aqyly avtomobıl jolyna (jol ýchaskesine) ótken bolsa, mundaı kólik quraly týraly derekter aralyq shepterde belgilenip, aqy mólsherin aıqyndaý úshin jáne avtokólik quralynyń keıinnen aqyly avtomobıl joly (jol ýchaskesi) arqyly shyǵýy kezinde aqy alý úshin aqy alý pýnktiniń jabdyǵyna jiberiledi.
16. Avtokólik quraly aqy alý pýnktin aınalyp ótip aqyly avtomobıl jolynan (jol ýchaskesinen) shyǵyp ketken jaǵdaıda júrip ótý úshin aqy osy Qaǵıdalardyń 11-tarmaǵynda belgilengen tártippen avtokólik quralynyń ıesinen alynady.
17. Avtokólik quraly aqyly avtomobıl joldarymen (jol ýchas
kelerimen) basqa avtokólik quralyn súırep júrip ótken jaǵdaıda aqy kólik quraldarynyń eki birliginen de alynady.
18. Aqyly avtomobıl joldaryn (jol ýchaskelerin), onyń ishinde konsessııaǵa berilgen aqyly avtomobıl joldaryn (jol ýchaskelerin) paıdalanǵany úshin aqy tóleýden:
1) qyzmettik mindetterin oryndaǵan kezde:
jedel medısınalyq járdem uıymdarynyń;
órtke qarsy qyzmettiń;
avarııalyq-qutqarý qyzmetteriniń;
jol-patrýl qyzmetiniń;
áskerı tehnıkanyń arnaýly avtokólik quraldary bosatylady;
2) qala mańyndaǵy qatynastarda jáne aqyly avtomobıl jolyna (jol ýchaskelerine) irgeles eldi mekenderdi: kentterdi, aýyldardy aýdan nemese oblys ortalyqtarymen, astanamen nemese respýblıkalyq mańyzy bar qalalarmen qosatyn qatynastarda jolaýshylar men bagajdy turaqty tasymaldaýdy júzege asyratyn avtobýstar;
aqyly avtomobıl jolyna (jol ýchaskesine) irgeles aýdandardyń atalǵan ákimshilik-aýmaqtyq birlik aýmaǵynda belgilengen tártippen tirkelgen avtobýstary bir aýdan sheginde júrip-turý úshin;
júk avtokólik quraldary, ózdiginen júretin dońǵalaqty aýyl sharýashylyq, melıorasııalyq mashınalar taıaý kólikke arnalǵan aıryqtary arasyndaǵy jol kesindileri sheginde sý tosqaýyldary men temir joldardy kesip ótý úshin;
aqyly avtomobıl jolyna (jol ýchaskesine) irgeles aýdandardyń jeke zańdy tulǵalarynyń atalǵan ákimshilik-aýmaqtyq birlik aýmaǵynda belgilengen tártippen tirkelgen jeńil avtomobılderdi bir aýdan sheginde júrip-turý úshin bosatylady.
