Taıaýda aımaq basshysy oblystaǵy medısınalyq saqtandyrý sharalaryna 2,1 mlrd teńge bólingenin habarlap, medısınalyq maska satyp alýǵa qomaqty qarjy jumsalatynyn aıtqan. Alaıda oblys ortalyǵyndaǵy dárihanalarda maska joq. Keıbireýine 1 aıdan beri túspegen. Eń bastysy, sońǵy kúnderi aptekalarǵa maska túsý toqtap qalyp otyr.
Osydan bir jeti buryn «Bolshevıchka» tigin fabrıkasynyń medmaska shyǵarýǵa kiriskenin habarlaǵan edik. Resmı oryndardyń málimetinshe, fabrıka kúnine 10 myń maska tigedi. Biraq sonyń nebary 500-i ǵana Qostanaı dárihanalaryna túsedi. Qalǵany tapsyrys bergen uıymdarǵa jóneltiledi. Qalaı desek te jergilikti kásiporyn halyqsuranysyn tolyq óteı almaı otyr. Máseleniń anyq-qanyǵyn bilmek bolyp, densaýlyq saqtaý departamentiniń baspasóz qyzmetine habarlasyp edik, «Taýarlar jáne kórsetiletin qyzmetterdiń sapasy men qaýipsizdigin baqylaý departamenti biledi» degen jaýap aldyq. Al atalǵan mekeme bul másele bizdiń quzyrymyzda emes, - dedi.
Beıresmı derekter boıynsha, qazir keıbir jeke tiginshiler qoldan maska tigip satýǵa kóshken. Onyń qanshalyqty qorǵanysh bolatynyn eshkim bilmeıdi.
Qostanaı
