«Qazirgi koronavırýs indetiniń keń taralýyna baılanysty Olımpıada oıyndary keıinge qaldyryldy. Naqty ýaqyty áli belgisiz. Degenmen, Olımpıadanyń dál 24 shildede bastalmaıtyny anyq», - dep málimdedi Halyqaralyq olımpıada komıtetiniń múshesi Dık Paýnd basylymǵa bergen suhbatynda.
Al Halyqaralyq olımpıada komıteti bul málimdemeni jeke adamnyń pikiri ekenin aıtyp, naqty sheshimniń aldaǵy tórt aptada qabyldanatynyn aıtty.
Aıta ketsek, koronavırýstyń kóptep taralýyna baılanysty Tokıoda josparlanǵan Olımpıada oıyndaryna Kanada men Avstralııa quramalary qatysýdan bas tartqan edi. Al Norvegııa men Brazılııa Olımpıadany keıinge qaldyrý týraly ótinish bildirdi.
Eske salsaq, Tokıodaǵy Jazǵy olımpıada oıyndary 24 shilde men 9 tamyz aralyǵynda ótýi kerek bolatyn.
