Olardyń kóbeıýine tártipke qulaq aspaıtyn oıyn-saýyq ortalyqtary men dámhanalar da sebep bolyp otyr. Mysaly, oblysta dál mereke kúni ýaqyt tún ortasyna deıin jumysyn toqtatpaǵan 10 saýyqhana anyqtalyp, qojaıyndary ákimshilik jaýapkershilikke tartylǵan. Ár óńirde áregidik boı kórsetip qalyp jatqan mundaı keleńsizdikke Memleket basshysy Qasym-Jomart Toqaev ta alańdaýshylyq bildirip otyr. Sodan keıin oblysta qoǵamdyq tártipke baqylaý kúısheıe túsip, polıseılerge eriktilerden jasaqtalǵan uıymdar kómekke kele bastady.
Máselen, kesheden beri «Dos» eriktiler uıymy men Qostanaı qalalyq polısııa basqarmasynyń qyzmetkerleri birlesip, qoǵamdyq nysandardy baqylaý sharalaryn júzege asyra bastady. Ár reıdke 30 polıseı, 10 erikti qatysady. Maqsat - shekteý rejimin buzýshylardy anyqtap, kináli tulǵalardy ákimshilik jaýapqa tartý. Sondaı-aq, qala turǵyndaryna TJ rejimi men jeke bas tazalyǵyn saqtaý jóninde eskertpe qaǵazdar taratyp, qaterdiń aldyn alýǵa úndeý.
Birlesken reıd jasaqtary keshe oblys ortalyǵynda tótenshe jaǵdaı tártibin buzǵan taǵy 4 kafeni anyqtady. Jergilikti polısııa qyzmetiniń málimetinshe, dámhana ıelerine ákimshilik hattama toltyrylyp, Qostanaı qalasyndaǵy mamandandyrylǵan sottyń qaraýyna jiberilgen.
QOSTANAI
