Igi bastamaǵa endi irgeli kásiporyndar qosyldy. Máselen, «Varvarınsk» AQ men «Komarov taý-ken kásiporny» seriktestigi qorǵa 20 mln teńge aýdaryp otyr. Kásiporynnyń aqparat jáne qoǵammen baılanys bóliminiń bastyǵy Anton Trýhanovtyń aıtýynsha, bul qarjy indettiń aldyn alý sharalaryna, sondaı-aq, dezınfeksııalyq quraldar men medısınalyq maska alýǵa jumsalady. Kásiporyn buǵan deıin de Beıimbet Maılın aýdanyndaǵy memlekettik qyzmetshilerge medısınalyq maska tigý úshin «Bolshevıchka» tigin fabrıkasyna 1 mln teńge aýdarǵan.
Búginde Qostanaı oblysynda koronovırýs indetin juqtyrǵandar joq. Qazir oblysta 40 adam gospıtalda jatyr. 196 adam – úı karantıninde. Epıdemııalyq ahýal turaqty.
Qostanaı oblysy
