Oqıǵa • 25 Naýryz, 2020

Rýdnyıda polıseıler múmkindigi shekteýli jandy órtten aman alyp qaldy

300 ret

kórsetildi

1 mın

oqý úshin

Polısııa basqarmasynyń málimetinshe, 22 naýryz kúni Rýdnyı qalasyndaǵy kóp qabatty turǵyn úıdiń birinen órt shyǵyp, ózdiginen júre almaıtyn múmkindigi shekteýli zeınetker qyzyl jalynǵa oranǵan páter ishinde qalady. Oqıǵa ornyna órt sóndirýshilerden buryn jetken patrýldik polısııa ınspektory Maqsut Dosybaev pen kishi serjant Tólegen Qastaev dereý qoıý tútin tumshalaǵan besinshi qabatqa kóterilip, jalyn qursaýynda qalǵan zaǵıpti din aman syrtqa alyp shyǵady.

Nurqanat QULABAEV

Rýdnyıda polıseıler múmkindigi shekteýli jandy órtten aman alyp qaldy

- Biz jetkende baspaldaq alańynda turǵyndar jıylyp qalypty. О́rt sóndirýshilerdi kútip turatyn ýaqyt joq. Kómekke shaqyrǵan daýysty estip, aýzymyzǵa dymqyl shúberek baılap alyp, dereý janyp jatqan páterdiń ishine endik. Qoıý tútin túk kórsetpeıdi, áıteýir qabyrǵany sıpaı júrip daýys shyqqan jaqqa jyljydyq, - dedi polısııa aǵa serjanty Maqsut Dosybaev.

Zeınetkerdi órt qushaǵynan syrtqa alyp shyqqan polıseıler zaǵıptiń ótinýimen órt shyqqan páterge ekinshi ret kirip, múgedek arbasyn alyp shyǵady.

Arnaıy qyzmet kelisimen, órt sóndirilip, oqıǵanyń sebebi anyqtaldy. О́rttiń shyǵýyna elektr symynyń tutanýy sebep bolǵan.

Qostanaı oblysy