Taýarlar jáne kórsetiletin qyzmetterdiń sapasy men qaýipsizdigin baqylaý departamentiniń málimetinshe, jolaýshylar koronavırýs rastalǵan Qazaqstan azamatymen baılanysta bolǵan. Sondyqtan beseýin jáne olarmen birge poıyzǵa mingen basqa jolaýshylardy poıyz jolserikterimen qosyp gospıtalǵa jatqyzý týraly sheshim qabyldanǵan.
Poıyzdaǵy 4 adam jolaı Amanqaraǵaı beketinen túsip qalady. Olardy tanystary kólikpen kútip alyp, Qostanaı qalasyna qaraı bet túzeıdi. Kólikti polısııa men epıdemıolog mamandar oblys ortalyǵyna jetpeı toqtatyp, jedel aýrýhanaǵa alyp barǵan.
Qalǵan 8 jolaýshyny tıisti sala mamandary Beıimbet Maılın aýdanyna qarasty Tobyl beketinde toqtatyp, polısııanyń kómegimen jedel járdem kóligine mingizip, Tobyl qalasynyń provızorlyq gospıtaline jetkizedi. Departamenttiń baspasóz qyzmeti bergen málimet boıynsha, jolaýshylardyń barlyǵynan qan alynyp, taldaýǵa jiberilgen.
Qostanaı oblysy
