Ol negizinen úsh baǵytty qamtyp otyr. Qazirge deıin baǵdarlamanyń kásiptik bilim berý men mamandardy qaıta daıarlaý isi men shaǵyn kásipkerlikti jappaı damytý baǵyty jáne turǵyndardy jumyspen qamtý aıasy óz jemisin bere bastady. Mysaly, ótken jyly «Eńbek» baǵdarlamasy boıynsha Almaty oblysynda 25 myńnan astam adam jumyspen qamtylǵan eken. Onyń ishinde 7500 adam qysqa merzimde qaıta daıarlyqtan ótip, nátıjesinde 3 myń mamandyq ıesi jumysqa turǵan. Al kásipkerlikti damytý baǵytynda 1100 adamǵa nesıe berilgen.Osy maqsatqa oblystyq jáne respýblıkalyq bıýdjetten 15 mıllıard teńge shamasynda qarjy jumsalypty.
«Eńbek» baǵdarlamasyn iske asyrý bıyl da jalǵasyn taýyp otyr. Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetinshe, bıyl baǵdarlamany júzege asyrý úshin 9,9 mıllıard teńge bólingen.
- Bul qarjyǵa tegin kásiptik-tehnıkalyq bilim berý baǵyty boıynsha 4 myńnan astam adam oqytylady. Al kásipkerlikti damytý boıynsha aýyldyq jerlerge mıkrokredıt berý, qalalardaǵy shaǵyn nesıeleý, mıkroqarjy uıymdarynyń operasııalyq shyǵyndaryn sýbsıdııalaý sııaqty jumystarǵa 5214,4 mıllıon teńge qaralǵan. . Sondaı-aq, baǵdarlamanyń úshinshi baǵyty, turǵyndardy jumyspen qamtý boıynsha da 2400,9 mıllıon teńge jumsalmaq. Nátıjesinde 8 myńnan astam jumyspen qamtylady, - deıdi oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Baqyt Jaqsybaeva.
Almaty oblysy
