Qazir «Jumyspen qamtýdyń jol kartasy» aıasynda Jetisýda júzege asatyn jumystar saralanyp, baǵyttar aıqyndaldy. Máselen, shara barysynda 1 240 joba iske asyrylyp, aımaqta 27,3 myń jumys ornyn qurý kózdelgen. Jalpy, oblysta jumyspen qamtý máselesi jóninde jumys toby qurylady, onyń quramyna óńirlik kásipkerler palatasy men aımaqtyq kásiptik odaqtar birlestikteriniń músheleri kiredi. Bul rette buǵan deıin Almaty qalasynda jumys istep, qazir karantınge baılanysty óńirge qaıtyp kelgen oblys turǵyndaryn jumyspen qamtýǵa erekshe nazar aýdarylady.
- Qabyldanǵan sharalardyń nátıjesinde oblysta myńdaǵan jumys orny qurylady, jumyssyzdyq deńgeıi tómendeıdi, jalpy oblystyń ınfraqurylymy jaqsarady. Bólingen qarjynyń esebinen biz jyldar boıy sheshilmegen kóptegen problemany sheshe alamyz. Aýdan, qala ákimderi qanshalyqty isker ekenin, halyqtyń máselelerin qanshalyqty biletinin jáne ony qalaı jedel sheshe alatynyn kórsetýi tıis, - deıdi oblys ákimi Amandyq Batalov.
Sondaı-aq, «Jumyspen qamtý jol kartasy» sheńberinde júzege asyrylatyn jobalar tizimine birneshe nysandardyń qaıta jańǵyrtylýy men jóndeý jumystary kirip otyr. Onyń ishinde áleýmettik-mádenı nysandar boıynsha quny 31,8 mıllıard teńge bolatyn 491 joba jasalypty. Al turǵyn úı-kommýnaldyq sharýashylyǵy boıynsha 79 joba qarastyrylyp, bul maqsatqa 20 mıllıard teńge bólinedi. Qomaqty qarjy aımaqtyń ınjenerlik-kóliktik ınfraqurylyyn jaqsartýǵa da baǵyttalady. Osy oraıda 34,2 mıllıard teńgege 547 joba jasalýda. Eli mekenderdi abattandyrý isi de umyt qalmaıdy. Buǵan 17 mıllıard teńge bólinip, 116 joba jasalypty.
Búginde aımaqta sýarmaly alqaptardyń kólemin arttyrý isi kún tártibinde tur. Bul maqsat qa da qarjy bólingen. Iаǵnı, 73 myń gektar sýarmaly jerdi aınalymǵa qosý mindeti tur. Onyń ishinde Aqsý, Panfılov, Uıǵyr aýdandary men Taldyqorǵan qalasyndaǵy sýarý jelilerin jáne Qaratal, Kóksý, О́sek ózenderindegi bógetterdi qaıta jańǵyrtý jumystaryna 6,2 mıllıard teńge qarastyrylǵan eken.
- Jalpy oblysta «Jumyspen qamtýdyń jol kartasy» 4 baǵyt boıynsha júzege asyrylady. Birinshi baǵytta áleýmettik nysandardyń kúrdeli jóndeýi men jańǵyrtý jumystary júrgiziledi. Máselen, tek bilim salasynyń ózinde 88 nysan kúrdeli jáne aǵymdaǵy jóndeýdi qajet etedi, al 351 mekteptiń syrttaǵy dárethanalaryn joıý qajet. Jalpy áleýmettik-mádenı salada 31,8 mıllıard teńgege 491 joba júzege asyrylady. Ekinshiden, turǵyn úı-kommýnaldyq sharýashylyǵy nysandaryn kúrdeli jóndeý jáne qaıta jańǵyrtý. Bul baǵyt boıynsha 79 nysanǵa 20 mıllıard teńge qarastyrylyp, 5 myńǵa jýyq jumys orny qurylady dep josparlanǵan. Úshinshi baǵyt – ınjenerlik-kóliktik ınfraqurylymnyń kúrdeli, orta jáne aǵymdaǵy jóndeýi. Munda 547 nysanǵa 34 mıllıard teńge qarastyrylyp, 8500 jumys orny qurylady dep josparlanǵan. Tórtinshi baǵyt – eldi mekenderdi abattandyrý. Barlyǵy 153 nysanǵa 17 mıllıard teńge qarastyrylady. Sonymen qatar ırrıgasııalyq júıelerdi jańǵyrtý baǵytyndaǵy 7 jobany júzege asyrýǵa 6,2 mıllıard teńge qarastyrylǵan. 73,0 myń ga sýarmaly jer aınalymǵa qosylady, - deıdi oblys ákiminiń orynbasary Batyrjan Baıjumanov.
Almaty oblysy
