Sonyń ishinde Petropavl qalasyna Ombydan kelgen, boıynan koronovırýs belgisi shyqqan áıeldiń jaı-kúıi týraly aıtyldy. Qazir ol oqshaýlaý stasıonarynda eken. Oblystyq taýarlar men qyzmetterdiń qaýipsizdigi men sapasyn baqylaý departamenti tóraǵasynyń orynbasary Tatıana Gorlova onyń analıziniń qorytyndysy áli tolyq anaqtalmaǵanyn aıtty. «Biz bıomaterıaldardy Almatynyń zerthanasyna jiberdik. О́zimiz ony tolyqtaı anyqtaı almaımyz. Onyń bir sebebi vırýs keńinen taralmaǵan, al shaǵyn kólemnen biz ajyrata almaımyz», dedi ol. Sóıtip, aty dardaı bolǵanymen Petropavldyń mamandary qaýipti indetti jedel anyqtaýda álsiz ekendikterin kórsetti.
Qazir qalanyń provızorlyq stasıonarlarynda 36 adam jatqyzylǵan.
«Tranzıtpen ótkenderdiń bári 200 adamnan artyq edi, qazir olardyń 122 karantındik rejimmen, jiti baqylaýǵa alynǵan. Qalǵandary úılerine jiberildi», dedi oblystyq densaýlyq saqtaý basqarmasy bastyǵynyń orynbasary Nurlan Aımanov.
Qazir koronovırýsy anyqtaldy degen áıeldiń úıiniń kireberisi tolyq oqshaýlanǵan. Onyń turǵyndaryna tamaq jetkizilip beriledi. Qala ákiminiń orynbasary Asqar Habıbýlın 22 naýryzdan beri jıi-jıi reıdterge shyǵyp, TJ talaptarynyń oryndalýy qatań baqylaýda ekenin aıtty. «Kúnde adam tasymaldaýǵa shyǵatyn 260 qoǵamdyq kólikter dezınfeksııalanady. Qajetti hımıkattardyń eki aıǵa jetetin qory bar. Osy ýaqyt aralyǵynda TJ talabyn oryndamaǵan 12 kásiporynnyń jumysy toqtatylyp, qojaıyndaryna aıyppul salyndy», dedi ol.
PETROPAVL
