Koronavırýspen kúresýge kirisken MIT hımıkteri ózderi daıyndaǵan dáriniń adam kletkasyna enetin koronavırýsqa tosqaýyl tura alatynyn aıtady. Potensıaldy preparat – aqýyzdyń qysqa fragmenti nemese adam jasýshalarynyń betinde ornalasqan aqýyzdy elestetetin peptıd (amın qyshqyldarynyń qaldyqtarynan turatyn organıkalyq zat).
Zertteýshi-ǵalymdar jańa peptıdter koronavırýstyń adam kletkalaryna ený úshin paıdalanatyn vırýstyq aqýyzben baılanystyra alatyn jáne qurǵatatyn qasıetke ıe ekenin kórsetti.
Zertteý tobyn basqaratyn hımık, qaýymdastyrylǵan professor Brád Pentelıýt:
– Bizde qazir shynymen naqty zerttegimiz keletin qorǵasyn qosylysy (kompaýndy) bar. О́ıtkeni bul is júzinde vırýstyq aqýyzben biz kútkendeı árekettesedi. Sol sebepti onyń adam kletkasyna vırýstyń enip ketpeýine tosqaýyl tura alatyn múmkindigi bar, – deıdi.
MIT toby peptıdtiń synamalaryn adam jasýshalarynda synaq ótkizýdi josparlaǵan seriktesterge jiberdi. B.Pentelıýt aýqymdy jumystyń qorytyndysynda laıyqty nátıjege qol jetkizetinine senetinin aıtty.
Aıta keteıik, atalǵan dárilik preparat úlgisi áli ǵylymı jáne medısınalyq sarapshylardyń resenzısyn alǵan joq.
