Konstıtýsııa kúni qarsańynda Atyraý oblysy sottarynyń ujymy úlken qýanyshqa keneldi. Oblystyq sot ǵımaratynyń aldynda ótken saltanatty jınalysta oblys ákiminiń birinshi orynbasary Ǵumar Dúısenbaev sot ujymyn kele jatqan mereıli merekemen quttyqtap 10 jeńil avtomashınanyń kiltin tabys etti. Bul týraly oblystyq sottyń baspasóz hatshysy Boranbaı Ǵalıev habarlady.
«Jıynda sondaı-aq 9 sýdıa men sot qyzmetkeri oblys ákiminiń qurmet gramotasymen marapattaldy», - delingen habarlamada.
Jıynda Atyraý oblystyq sotynyń tóraǵasy Muhtar Smaǵulov, Qazaqstan sýdıalar odaǵy Atyraý fılıalynyń tóraǵasy, Atyraý qalasynyń mamandandyrylǵan aýdanaralyq ákimshilik sotynyń tóraǵasy Bazarǵalı Qadirǵalıev oblys basshylyǵyna mereıli mereke tusynda sot ujymyna jasaǵan tartý-taralǵysy úshin shyn júrekten rızashylyqtaryn bildirdi. Barsha áriptesterin Konstıtýsııa kúnimen quttyqtap el úmitin, halyq senimin aqtaý jolynda qara qyldy qaq jaryp, ádil bılik aıtýǵa shaqyrdy.
Murat Aıtqoja.
