– Qashyqtan oqytý orta bilim berý uıymdarynyń tájirıbesinde buryn bolmady. Sondyqtan daıyndyq jumystaryn júrgizý óte mańyzdy bolyp tur. Erteń, ıaǵnı 1 sáýirde eń aldymen synaq-sabaqtar uıymdastyrylady. Barlyq mektepterdegi muǵalimderimiz oqýshylarymen baılanysqa shyǵyp, qashyqtan synaq-sabaq beredi. Odan keıin beısenbi, ıaǵnı 2 sáýir kúni ata-analardyń jınalysy bolady. Atalǵan máselede ata-analarǵa muǵalimdermen birdeı júk túsedi. Sondyqtan olar qashyqtan oqytýdyń qalaı júrgiziletinin, mundaı formattaǵy sabaqtardy ótkizýdiń problemalary men sheshý joldaryn bilýi kerek, – dedi A.Aımaǵambetov. Mınıstrdiń málimdeýinshe, 3 sáýirde synyp saǵattary ótkiziledi. Munda da qashyqtan oqytýdyń júzege asyrý formattary men problemalary talqylanady.
– Osy úsh shara – 6 sáýirge daıyndyqty pysyqtaý. Sebebi burynǵydan ózgeshe bastalǵaly otyrǵan bıylǵy sońǵy toqsanǵa muǵalim de, ata-ana da, oqýshy da, qurylǵy da – bári saqadaı saı bolýy tıis, – dedi vedomstvo basshysy.
