JOǴARY PARTIIа MEKTEBI — ÝAQYT TALABY

Bul týraly Almatyda “Nur Otan” halyqtyq-demokratııalyq partııasy Almaty qalalyq  fılıaly bastaýysh uıymdarynyń forýmynda sóz sóılegen  “Nur Otan” HDP Tóraǵasynyń birinshi orynbasary Nurlan Nyǵmatýlın jarııa etti. Búginde Joǵary partııa mektebin qurý boıynsha uıymdastyrý-tehnıkalyq jumystary júrgizilýde. Almatyǵa alǵash kelip, fo­rým jumysyna qatysqan Nur­lan Nyǵmatýlın aldymen par­tııa basshylyǵy Memleket bas­shy­sy qoıǵan mindetterdi oryn­daýdaǵy negizgi isterdi atqaratyn bastaýy­sh býyndardyń jumy­syna úlken mańyz bere ketti. – Aldaǵy ýaqytta da Prezı­dentimiz, partııamyzdyń Tór­aǵa­sy N.Nazarbaevtyń bıylǵy ta­rıhı Joldaýyn basshylyqqa ala otyryp, jańa qadamdar jasaýy­myz kerek. Ol jumystardy at­qa­rýda bastaýysh partııa uıym­darynyń róli erekshe ekeni óz­de­rińizge belgili. Búgingi kúni elimiz boıynsha partııanyń 6 myń­nan astam bastaýysh uıymy bol­­sa, sonyń 612-si Almaty qa­la­synda. Olardyń barlyǵy tike­leı halyqpen birge júretin, elge kómek kórsetetin, qatarymyzdy jańartyp otyratyn “Nur Otan­nyń” negizgi kúshi deýge bolady, – dedi Nurlan Zaırýllauly. Odan ári ol partııa jumysy ne­gizgi úsh basymdyqtan turaty­nyn, onyń birinshisi – Prezı­denttiń strategııasyn júzege asy­rýǵa jumyla kirisý, ekinshisi – tómennen bastama kóterý, soǵan sáıkes josparlaryn qaıta qaraý, úshinshisi – partııalyq uıymdar joǵarydan nusqaý kútpeı, týyn­daǵan máselelerge dereý nazar aýdaryp, naqty nátıjege qol jet­kizý ekendigin alǵa tartty. So­nymen qatar, bastaýysh uıym jetekshilerin oqytý men daıyn­daý asa mańyzdy máseleniń biri ekendigin, ol týraly partııa bas­shysynyń partııalyq-saıası oqý jóninde tapsyrmasyn oryndaý barysynda “Nur Otan” partııa­synyń Joǵary partııalyq mek­te­bin qurý boıynsha uıym­das­tyrý-tehnıkalyq jumystarynyń bastalyp ketkenin, bul mektep eldiń partııalyq-saıası elıtasyn qalyptastyrý ortalyǵyna aı­nalýy tıistigin atap kórsetti. – Onda ortalyqtyń ǵana emes, aımaqtyq partııa basshy­la­ry da dáris alatyn bolady. Mektep birneshe kezeńnen ótedi. Bıyldyń ózinde ortalyq deń­geıde partııa apparaty men shtat qyzmetker­le­rin, bastaýysh par­tııa uıymy bas­shylaryn oqytýdy bastamaqpyz. Al kúzde aımaqtyq ortalyqtar ashylady. Onyń alǵashqysyn batys óńiri úshin Aqtóbede ashý kózdelip otyr. 2011 jyly taǵy da 4 partııa oqytý or­ta­lyǵy jumys isteıtin bolady, – dedi partııa Tóraǵanyń birinshi orynbasary. Forýmda “Nur Otan” HDP Almaty qalalyq fılıalynyń tór­aǵasy, Almaty qalasynyń áki­mi Ahmetjan Esimov partııa qu­rylǵannan bergi ýaqytta qala­daǵy bastaýysh partııa uıym­dary­nyń qoǵamdaǵy teris áreket­termen kúres júrgizýdegi belsen­diligine, partııa Tóraǵasynyń qoıǵan mindetterin oryndaýda ónerkásip deńgeıin quldyratpaý, jappaı jumyssyzdyqqa jol ber­meý, áleýmettik qaqtyǵystar­dyń aldyn alý, t.b. máselelerge keńinen toqtaldy. Sonymen qatar, der kezinde qabyldanǵan daǵdarysqa qarsy baǵdarlamanyń arqasynda Almatyda óndiris toq­tamaı, kútilgen jappaı jumys­syzdyq bolmaǵanyna nazar aýdar­dy. Kerisinshe, “Jol kartasy” arqyly 50 myń almatylyq ju­myspen qamty­lyp­ty. Úleskerler máselesi de qazir burynǵydaı ótkir turǵan joq. Sondaı-aq, Ahmetjan Smaǵul­uly demokratııalyq el bolǵan­dyq­tan, opponentter men oppozı­sııanyń bar ekenin ashyq aıta kele, shahar basshysy retinde olardyń arasynda baısaldy usynystarmen shyǵatyndarymen kelisýge týra keletinin, jaqynda olardyń basshylarymen kezdes­ken­de turǵyn úı-kommýnaldyq sha­rýashylyq júıesin jetildirýde ákimdiktiń qyzmetkerleri men oppozısııa ókilderinen turatyn jumys tobyn quratyndaryn, máselen, “Shańyraqqa” qatysty olarmen ózara túsinistik taýyp otyrǵanyn da tilge tıek etti. – Syn – jaqsy nárse. Bu­ryn joǵarydan ǵana emes, tómen­nen de syn aıtylatyn. Partııa­lyq qyzmette osy quraldy da paıdalanýymyz kerek. Tek syn obektıvti jaǵdaıda bolǵanda ǵana jalpy múddege qyzmet etetin bolady, – dedi qala ákimi. Partııanyń saılaý organ­da­ry­nyń sheshimderin júzege asyrýda 48 myńǵa jýyq múshesi bar Alma­ty qalalyq fılıalynyń bastaý­ysh partııa uıymdarynyń róli men jumysynyń tıimdiligin art­tyrý joldary jóninde baıan etken “Nur Otan” HDP Almaty qalalyq fılıaly tóraǵasynyń birinshi orynbasary Amangeldi Kárimollın sóz retinde keıbir bastaýysh partııa uıymdarynyń kózboıaýshylyqtan asa almaı otyrǵanyn synǵa aldy. “Nur Otan” HDP Almaty qa­lalyq máslıhatyndaǵy depýtattar fraksııasynyń basshysy, Qazaq ulttyq agraralyq ýnıversıtetiniń rektory Tilektes Espolov búgingi kezdegi eń joǵary jaýapkershilik, eń negizgi partııanyń mindeti – bastaýysh partııa uıymdarynyń belsendiliginde ekendigine toqtala kelip, iri megapolıs retinde Alma­ty qalasynyń damýy Qazaq­stan­nyń ındýstrııalyq-ınnovasııa­lyq baǵdarlamasyna tikeleı baı­lanystylyǵyn, osy rette depý­tat­tyq fraksııa ońtústik astanada el ekonomıkasynyń lokomotıvi mártebesin oıdaǵydaı oryndap otyrǵanyn jetkizdi. Bılik partııasynyń aımaq­tar­daǵy jumysyn úılestirip, naqty is-áreket etýde bastaýysh partııa uıymdary – halyqpen birge jú­re­tin, onyń muń-muqtajyn tyń­dap, kómek kórsetetin negizgi kúsh. Osy rette, ásirese, aýdandyq, aýyldyq deńgeıdegi partııa bólim­shelerine úlken salmaq júkteledi. Forým sońynda belsendiligi­men erekshe kózge túsken “Lo­ko­mo­tıv” AQ, “Rahat” AQ jáne Ál-Farabı atyndaǵy QazUÝ bas­taý­ysh partııa uıymdary alǵys hat­pen, baǵaly syılyqtarmen marapattaldy. Gúlzeınep SÁDIRQYZY.