Ony qalaı rettegen jón? Qazirgi kezde bul problemanyń birqatar nusqasy qarastyrylýda. Atap aıtqanda, aqtóbelik IT salasynyń mamandary shalǵaıdaǵy ınterneti joq aýyldar úshin radıobaılanys júıesin usynyp otyr. Bul tyń oqytý tásili Alǵa aýdanyndaǵy Bestamaq aýylyndaǵy orta mektepte qanatqaqty joba retinde óz jumysyn bastap ketti.
Budan tıgen alǵashqy taǵylym – radıobaılanys júıesi ınterneti joq aýyldar úshin taptyrmas qural ekendigi. Iаǵnı elimiz boıynsha tuńǵysh ret Aqtóbe aımaǵynda júzege asyrylǵan qanatqaqty joba oqýshylardyń qashyqtan bilim alýyna táp-táýir múmkindikter týǵyza alatyny belgili bolyp otyr. Aqtóbe oblysynyń ákimi Ońdasyn Orazalın buǵan Bestamaq aýylyndaǵy mektep oqýshylarymen tikeleı tildesý arqyly kóz jetkizdi.
Aldyn ala jasalǵan taldaýlar men saraptamalar oblystyń ózge aýdandaryndaǵy birqatar mektepke de osyndaı radıobaılanys júıesi qajet ekenin kórsetedi. Soǵan sáıkes óńir basshysy tarapynan oblystyq Bilim basqarmasyna onyń qanshasy qajet ekendigin anyqtaý jóninde arnaıy tapsyrma berilgen. Bul is márege taıaǵan kezde It mamandary radıobaılanys júıesin ornyqtyrý jumystaryn qolǵa almaq.
Aqtóbe oblysy
