Keshe Astanadaǵy Syrtqy ister mınıstrliginiń ǵımaratynda Iаdrolyq synaqtarǵa qarsy halyqaralyq is-qımyl kúnine oraılastyrylǵan poshtalyq markanyń tusaýkeseri bolyp ótti. Oǵan Qazaqstan Respýblıkasynyń Syrtqy ister mınıstri Erlan Ydyrysov pen «Qazposhta» AQ basqarma tóraǵasy Árken Arystanov qatysty.
Keshe Astanadaǵy Syrtqy ister mınıstrliginiń ǵımaratynda Iаdrolyq synaqtarǵa qarsy halyqaralyq is-qımyl kúnine oraılastyrylǵan poshtalyq markanyń tusaýkeseri bolyp ótti. Oǵan Qazaqstan Respýblıkasynyń Syrtqy ister mınıstri Erlan Ydyrysov pen «Qazposhta» AQ basqarma tóraǵasy Árken Arystanov qatysty.
E.Ydyrysov óz sózinde «táýelsizdigimizdiń alǵashqy kúnderinen bastap Qazaqstan Prezıdenti Nursultan Nazarbaev úshin ǵalamdyq qaýipsizdikti qamtamasyz etý máselesi birinshi kezekti basymdyqqa ıe boldy jáne bizdiń elimiz álemdegi tórtinshi ıadrolyq áleýetten óz erkimen bas tartyp, sol kezden bastap «beıbitshilik epısentrine» aınaldy», dep atap ótti.
Semeı polıgonynyń jabylýymen ıadrolyq taratpaý men qarýsyzdaný ǵalamdyq úrdisiniń jańa kezeńi bastaý aldy, onyń aıasynda Nevadadaǵy, Jańa Jer, Lob-Nor jáne Mýrýroa sekildi álemniń iri synaq alańdarynda da jumystar toqtatyldy.
«29 tamyz – bul ıadrolyq apokalıpsıs qaýpin alshaqtatqan beles bolyp tabylady. Jyldar men onjyldyqtar ótýimen álemdik qaýymdastyqtyń osy kúnniń erekshe mańyzdylyǵyn túsinýi tek arta beredi degen senimdemiz», dedi óz sózinde E.Ydyrysov.
1949 jyl men 1989 jyl aralyǵynda Keńes Odaǵy Semeı polıgonynda 456 atmosferalyq, jerústi jáne jerasty synaqtaryn júrgizgeni barshaǵa aıan. Jalpy alǵanda, 600-den astam ıadrolyq zarıad detonasııalanǵan, bul ıadrolyq qarý paıda bolǵannan bastap jer betinde ótkizilgen synaqtardyń tórtten bir bóligin quraıdy.
«Egemen-aqparat».
