«Qaı jerdensiń, baýyrym?», dep suraıdy el menen
Ún qatamyn jymıyp: «Semeı jaqtan kelgen em».
«Oý, onda sen shyqtym de, polıgonnyń mańynan,
Tabıǵaty tozǵyndap, aýrý-syrqaý meńdegen».
«Qaı jerdensiń, baýyrym?», dep suraıdy el menen
Ún qatamyn jymıyp: «Semeı jaqtan kelgen em».
«Oý, onda sen shyqtym de, polıgonnyń mańynan,
Tabıǵaty tozǵyndap, aýrý-syrqaý meńdegen».
Kózimdegi ushqynnan qalmady endi juǵyn da,
Semeı jáne polıgon aınaldy egiz uǵymǵa.
«Abaı ósken ólkeden» dep taǵy da qospaq em,
Bir-aq sózben aýzyma, quıa saldy qumyn da.
O, beıtanys, qoıa tur, júregime daq salmaı,
Qasıetti ólkeniń qaıǵysy bar batpandaı.
43 jyl bir zulmat qarýdy emes bul jerde,
Adamdardyń tózimin birge synap jatqandaı.
Jeńbeı qoımas ádilet, bastasa bir kúresti,
Kótereıik eńseni, polıgonnyń úni óshti.
Jaınar qaıta týǵan jer, qalar jurttyń esinde,
Ajdahanyń bolǵany ańyzdaıyn bir eski.
Qaıyrbek ShAǴYR.
Shyǵys Qazaqstan oblysy,
Abyraly aýdany.
