Aımaqtar • 01 Sáýir, 2020

Qostanaı oblysynda qoǵamdyq kólikke betperdesiz kirýge tyıym salyndy

260 ret

kórsetildi

1 mın

oqý úshin

Qostanaı oblysynyń turǵyndaryna 2 sáýirden bastap qoǵamdyq kólikke betperdesiz kirýge tyıym salyndy. Taksı men jeńil kóliktegiler de maskalyq rejimdi saqtaýy tıis. Bir kólikke eki adamnan artyq minýge bolmaıdy. Jeke kólik júrgizýshileri de mindetti túrde betperde taǵyp, qolǵap kıip alýy kerek. Turǵyndardyń bárine birdeı qoıylǵan talap – osy.

Nurqanat QULABAEV

Qostanaı oblysynda qoǵamdyq kólikke betperdesiz kirýge tyıym salyndy

Tártip – qatal, múltiksiz oryndalýy tıis. Jergilikti polısııa qyzmeti basqarmasy bastyǵynyń orynbasary Vıtalıı Soıdyń aıtýynsha, tártipke moıynsunbaǵandar zań aldynda jaýap beretin bolady. V.Soı turǵyndardy túngi 22.00-den keıin, asa qajet bolmaǵan jaǵdaıda, kóshege shyqpaı-aq qoıýǵa shaqyrdy. Búginge deıin oblysta tótenshe jaǵdaı rejimin buzǵan 186 azamat ákimshilik jaýapkershilikke tartylǵan. Alaıda tártip buzýshylar sany kún sanap azaıa túsken.

Taýarlar jáne kórsetiletin qyzmetterdiń sapasy men qaýipsizdigin baqylaý departamentiniń málimetinshe, qazir oblystaǵy epıdemııalyq ahýal turaqty. Koronovırýs indetin juqtyrǵandar tirkelmegen. Buǵan deıin shetelden kelgen 1687 adam úı karantıninde, 261 adam provızorlyq gospıtalda jatyr.

Qostanaı oblysy