Konstıtýsııa kúni qarsańynda «Qazaqstan temir joly» ulttyq kompanııasynyń «Qala mańyndaǵy tasymal» AQ Astana-Pavlodar baǵdaryna jańartylǵan, jaılylyǵy joǵary elektr-poıyz shyǵardy.
Konstıtýsııa kúni qarsańynda «Qazaqstan temir joly» ulttyq kompanııasynyń «Qala mańyndaǵy tasymal» AQ Astana-Pavlodar baǵdaryna jańartylǵan, jaılylyǵy joǵary elektr-poıyz shyǵardy.
Poıyz «Qala mańyndaǵy tasymal» AQ jańadan satyp alǵan jaılylyǵy joǵary vagondardan quralǵan. Ol beısenbi, juma, senbi, jeksenbi kúnderi «Astana-Pavlodar» baǵyty boıynsha qatynaıdy.
«Demıhov mashına jasaý zaýyty» AAQ jasap shyǵarǵan ED9E serııaly elektr-poıyzy «Qala mańyndaǵy tasymal» AQ talaptaryna sáıkes vagondardyń tehnıkalyq jáne qýat únemdeý qasıetin jaqsartyp, jetildirilgen. Ár vagonǵa beınebaqylaý ornatylyp, aýa baptaý júıesi engizilgen.
Elektr-poıyz Astanadan 18 saǵat 40 mınýtta shyǵyp, 00 saǵat 50 mınýtta Pavlodarǵa keledi. Kerekýden keri jónelýi 9 saǵat 29 mınýtta. Ol elordaǵa 15 saǵat 30 mınýtta keledi. Nebári alty saǵatta arqadaǵy eki qalany qosady. Jolshybaı Ereımentaý men Ekibastuz stansalarynda aıaldaıdy.
Elektr poıyz jaıly kreslosy bar 10 vagonnan turady. Osynyń tórteýi birinshi sanatty. Onda 206 jolaýshyǵa oryn bar. Al, ekinshi sanattaǵy eki vagonǵa 92, úshinshi sanattaǵy vagondarǵa 194 adam jaıǵasa alady. Atalǵan poıyzben barlyǵy 492 jolaýshy jol júre alady. Birinshi jáne ekinshi sanatty vagondardyń ishinde teledıdar men bar ornalasqan.
Jol júrý quny Astanadan Pavlodarǵa deıin birinshi sanatty vagonda – 1956, 2 sanatty vagonda – 1822, úshinshi sanatty vagonda 1514 teńge turady.
Qazirgi tańda «Qala mańyndaǵy tasymal» AQ respýblıka boıynsha 21 baǵdarǵa 24 elektr-poıyzyn shyǵardy. Sońǵy jyldary asa jaıly 24 vagon satyp alyndy. Shymkent pen Túrkistan aralyǵyna dızeldi relsti jyljymaly quram qatynaıdy. Bolashaqta vagondardyń jańǵyrtý isin úzdiksiz jalǵastyratyn bolamyz, dedi Astanadan jańa jyljymaly quramdy shyǵaryp salý rásiminde «Qala mańyndaǵy tasymal» AQ prezıdenti Baıan Súnnatova.
«Egemen-aqparat».
