Aıaldamaǵa dári shashýshylarǵa arnaıy qorǵanysh kıimi, qolǵap, kózildirik, betperde, aıaq kıim berilgen. Bólim bastyǵynyń aıtýynsha, avtobýs kútýge arnalǵan turaqty tazalaý úshin 10 lıtr sýǵa 1 dı hlor tabletkasyn salyp eritý qajet. Bir aıaldamany zalalsyzdandyrý úshin osy mólsherdegi qospa jetkilikti.
Alty merdigerdiń árqaısy ózderine júktelgen shaǵyn aýdanda jumys isteıdi. Búgin «ABZ+» seriktestigi óz jumysyn «Áýejaı» shaǵyn aýdanynan bastady. Seriktestik kún saıyn 105 aıaldamany zalalsyzdandyryp otyrýy kerek.
- О́ńdeýdi bastamas buryn qyzmetkerlerge nusqaýlyq berilip, barlyq qaýipsizdik talaptary túsindiriledi. Aıaldamalarǵa hımııalyq qospany tańerteńgilik shashamyz. Ázirge 4 adam jumys istep jatyr. Eger qajet bolsa, jumysshy sanyn kóbeıtemiz. Turǵyndar úshin eshqandaı qolaısyzdyq týmaıdy dep oılaımyn. Olar oıanyp, kóshege shyqqansha biz de jumysymyzdy aıaqtaımyz, – dedi seriktestik dırektory Nıkolaı Lobanov.
Qostanaı oblysy
