Kókshetaýdaǵy «Vektor» kombaın qurastyrý zaýyty bıylǵy egin oraǵy qarsańynda óziniń alǵashqy ónimderin dıqandar ıgiligine usyna bastady. Qazaqstan-Reseı birlesken kásiporny «QazAgroQarjy» jáne «Rostselmash» kombaın zaýyty» aksıonerlik qoǵamdary arasyndaǵy «Yector 410Kz» kombaındaryn qurastyrý jónindegi mámile negizinde qurylǵan bolatyn.
Kókshetaýdaǵy «Vektor» kombaın qurastyrý zaýyty bıylǵy egin oraǵy qarsańynda óziniń alǵashqy ónimderin dıqandar ıgiligine usyna bastady. Qazaqstan-Reseı birlesken kásiporny «QazAgroQarjy» jáne «Rostselmash» kombaın zaýyty» aksıonerlik qoǵamdary arasyndaǵy «Yector 410Kz» kombaındaryn qurastyrý jónindegi mámile negizinde qurylǵan bolatyn.
О́tken jumada, Atbasar aýdany jaǵynan issapardan kele jatqan biz, «Qazaqstanda jasalǵan» degen belgisi bar kombaındar tizbesine qurmetpen jol bosatyp turǵan kólik júrgizýshilerine rızashylyǵymyzdy bildirgenbiz. Aýdanmen habarlasqanymyzda, aýyl sharýashylyǵy bóliminiń basshysy Jolaman Kájenov atalǵan tehnıkalar «Polıgraf-Astana» JShS alqaptarynda egin oraǵyna daıyn turǵanyn aıtty.
Osydan keıin zaýytqa ádeıi kelgenbiz. Qaqpa aldynda Shortandy aýdanyndaǵy «Bektaý» JShS dırektory, oblystyq máslıhattyń depýtaty Satybaldy Syzdyqovty kezdestirdik. О́zimizge jaqsy tanys Satybaldy Hamzenuly jaıdary júzben qýanyshyn bólisip jatyr.
– Bizdiń sharýashylyq «Agrosentr-Astana» fırmasymen úlesker, – deıdi ol. – Qarjylyq jaǵdaıymyz asa bapty bolmaǵanymen, «NurBank» ótinishimizge túsinistikpen qarady. Osynyń arqasynda, anaý-mynaý emes, «Vektordyń» 20 danasyn satyp alýǵa múmkindik týdy. Bul aýyldastarym úshin aıryqsha qýanyshty oqıǵa. О́ıtkeni, sharýashylyǵymyz sońǵy ret 2001 jyly alynǵan «Enıseılerdi» ildebaılap paıdalanyp júr edi. Tozyǵy jetken tehnıka qaıbir ónimdilik bersin. Mehanızatorlardan da uıat bolyp júr edi. Jigeri tasyǵan jigitter 28 myń gektar alqaptaǵy bitik egindi tókpeı-shashpaı jınaýǵa qulshynyp tur.
– Iá, Kókshetaýǵa qustaı ushyp jetkendeımiz, – deıdi sharýashylyqtaǵy traktor-egis brıgadasynyń brıgadıri Aleksandr Tkachenko. – Búgin kúni boıy mehanızatorlar ózderine tıesili kombaındardy 250 shaqyrymdyq jolǵa daıyndaýmen boldy. Jolbasshylarymyzdyń kómegimen túnde bolsa da júrip ketpekpiz. Jalpy, men «Vektor» kombaındarynyń tehnıkalyq múmkindikterin joǵary baǵalaımyn. Olardy aýdanymyzdaǵy «Novokýbanka» JShS kóp jyldardan beri paıdalanyp keledi. «Vektor» óńirimizdiń klımattyq erekshelikterine qolaıly, jeńil basqarylady ári jergilikti jaǵdaıda jóndep te alýǵa bolady. Al, ónimdiligi jaǵynan sheteldik kombaındardan qalyspaıdy.
Osy kezde zaýyt qaqpasynan shyǵýǵa daıyn kombaındardyń qujattary men qosalqy bólshekterin tekseristen ótkizip júrgen zaýyt dırektory Iýrıı Bashýrovtyń qalt etken ýaqytyn paıdalanyp, sózge tarttyq.
– «Vektordyń» Qazaqstan rynogynda úlesi jyl sanap artyp keledi. Naqtylaı aıtsaq, respýblıkamyzdaǵy egin jınaý tehnıkasynyń 42 paıyzy osy kombaındardyń úlesinde, –dedi ol. Búgin biz shortandylyqtarǵa tıesili kombaındardyń alǵashqy toǵyzyn saparǵa attandyramaqpyz. Jalpy, bıyl 144 agregatty daıyndyq sapyna qoıamyz. Onyń jetpisin «Rostselmash» kompanııasymen on jyl boıy áriptestik baılanystaǵy «QazAgroQarjy» AQ júıesimen satatyn bolamyz. Qazirgi tańda óndiristik alańdarymyzdy qyzý jańǵyrtyp, qýattandyrý ústindemiz. Kelesi jyly 3000 sharshy metrlik ekinshi sehty iske qosý arqyly 200 kombaındy qurastyrýǵa múmkindik týady. Al, 2015 jyly ony 300-ge jetkizý nıetindemiz. Suranystyń óse túsýin tehnıkanyń sapalyq kórsetkishimen birge, bıylǵy shilde aıynda keden rejimindegi erkin qoıma jelisin ashqanymyzben baılanystyrýǵa bolady. Iаǵnı ónimderimizdi qosymsha qun salyǵynsyz bosatýdyń arqasynda kombaınnyń baǵasy 12 paıyzǵa arzandap otyr. Munyń ózi aýyl eńbekkerleri úshin aıtarlyqtaı jeńildik.
Kókshetaý zaýytynyń bolashaq josparlary týraly suraǵymyzǵa Iýrıı Efımovıch 2015-2016 jyldary óndiristi ártaraptandyrýǵa baǵyt ustalyp, zamanalyq «Agrosoıýz-Horsh» tuqym sebý keshenderin shyǵarý jobasy túzilgenin aıtty. Ýaqyt óte kele jańa jumys oryndary da kóptep ashylatyn bolady. Kásiporyn óz mamandaryn Rostovtaǵy zaýytta kezeń-kezeńimen oqytý ústinde.
Baqbergen AMALBEK,
«Egemen Qazaqstan».
Aqmola oblysy.
