– Jaǵdaı kún ótken saıyn kúrdelenip barady. Sol sebepti, buqara kópshilik meni muqııat tyńdańyzdar, - dep málimdemesin bastaǵan Dýterte: «Men eldegi karantın erejesin qadaǵalaýshy polıseılerge tártipke baǵynbaǵandarǵa kúsh qoldanýǵa, tipti atyp tastaýyna bolatyny jaıly tapsyrma júktedim. Kúlli halyqtyń qurdymǵa ketýinen beıbastaq tártip buzýshynyń kózi joǵalǵany bizge tıimdi» dedi.
Memleket basshysynyń bulaı qatty ketýine sebep, ortalyq Manıla qalasynda oryn tepken aýmaǵy at shaptyrym jaıma bazar ıeleri men satýshylar eldegi oqshaýlaý rejımine qarsy shyǵyp, halyq kimge senerin bilmeı berekesiz tolqýlar bas kóterdi. Nátıjesinde, 2500-ge jýyq adam indet juqtyryp, olardyń 96-sy kóz jumǵan.Bul eki kún burynǵy málimet. Sońǵy habarlarǵa qaraǵanda fılıpındikter dert juqtyrýdan Azııada kósh bastaıtyn túri bar degen aqpar aıtady ikon.mnsaıty.
Al adam quqyǵyn qorǵaıtyn halyqaralyq uıymdar Rodrıgo Dýterteniń sheshimi «jabaılylyq» degendi alǵa tartýda. Bundaı qatań shara fılıpındikter úshin jańalyq emes eken. О́tken jyldary el ishin jaılaǵan narkobıznesti joıý úshin úkimet dál osyndaı sheshim qabyldaǵan bolatyn. Nátıjesinde talaı myqty ǵazez basynan aıyryldy. Biraq qylmys tizgendeldi.
