Almatydaǵy «Shın-Laın» balmuzdaq fabrıkasy eldegi qıyndyqtarǵa qaramastan óz jumysyn jalǵastyrýda. 2020 jyldyń 17 naýryzynan bastap fabrıkanyń shıkizat jáne daıyn ónimder qoımasy jabyq karantındik perımetrge kóshken.
Qazirgi ýaqytta 400 qyzmetker tótenshe jaǵdaıdyń barlyq erejelerin saqtaı otyryp jumys isteýde. Olardyń fabrıka aýmaǵynan shyqpaýy da basty nazarǵa alynǵan. Kompanııanyń qazirgi kezdegi mindeti – óndiristi toqtatpaý jáne jańa jaǵdaıǵa jedel áreket etý, tolyqqandy jabyq tehnologııalyq tizbekpen qamtamasyzdandyrý jáne óz ónimderiniń 100% qaýipsizdigine kepildik berý, azamattyq ustanymdy tanytý, qyzmetkerler men tutynýshylarǵa qoldaý kórsetý.
Balmuzdaq baılanyssyz tásilmen daıyndalady, degenmen tehnologııalyq prosesterdi adamdar basqarady. Koronavırýs pandemııasy kezinde ónimniń qaýipsizdigin qamtamasyz etýdiń jalǵyz joly — syrtqy álemmen baılanysty tolyq toqtatý», — deıdi kompanııa tobynyń prezıdenti, jabyq perımetr komendanty Andreı ShIN.
Qyzmetkerler úshin jatyn oryndary, dárethanalar men dýsh bólmeleri bar jataqhana uıymdastyrylǵan, ashana úsh mezgil tegin tamaqtandyrýǵa aýystyrylǵan, medısınalyq beket te qyzmet etedi, jumys aýysymynan tys belsendi demalýǵa arnalǵan tennıs ústelderi men voleıbol alańy ornatylǵan.
Fabrıka táýlik boıy jumys isteıdi, arasynda sanıtarlyq kúnder úzilisi bar. Jabdyqtar men úı-jaılardy qajetti zalalsyzdandyrý kún saıyn júrgiziledi. Aımaqqa kiretin kólikti dezınfeksııalaý jáne júrgizýshilermen baılanyssyz jumys isteý tetigi oılastyrylǵan: barlyq avtomobılder dońǵalaqtar men korpýsty dezınfeksııalaýdyń arnaıy aımaǵynan ótedi, qujattar arnaıy syrtqy konteınerlerge salynady. Sondaı-aq ishki baılanystar da bar: shıkizat qoımasy – fabrıka, shıkizat qoımasy – ashana, fabrıka – daıyn ónim qoımasy. Osy tizbekterdiń barlyǵynda ishki karantındik perımetrdegi adamdar, medısına qyzmetkeri jáne top-menedjment júredi.
Kompanııa ónimderiniń qaýipsizdigi tek qazirgi tótenshe jaǵdaıda ǵana emes, sonymen qatar zaýyttyń búkil qyzmetinde – 25 jyl ishinde kepildendirilgen», - deıdi Andreı Shın.
Onyń sózinshe, densaýlyqqa qaterdiń bolmaýy úsh qaǵıdatqa negizdelgen. Birinshiden, álemdik deńgeı jelisindegi óndiristiń baılanyssyz ádisteri. Ekinshiden, tereń shok muzdatýdy paıdalaný jáne sýyq tizbekti saqtaý, bul jaǵdaıda shıkizattyń temperatýrasy –35 oS joǵary kóterilmeıdi, al daıyn ónimniń temperatýrasy –18 oS joǵary bolmaıdy. Úshinshiden, saqtaý merzimi uzaq, mıkrobtar men bakterııalarsyz tek jańa «qatyrylǵan» balmuzdaqty óndirý.
Fabrıkada TJ kezinde álemdik jáne qazaqstandyq sapa standarttaryna saı keletin balmuzdaqtyń 30- dan asa suranysqa ıe túri óndiriledi. О́nimniń portfeli ádeıi azaıtyldy: túrlerdiń az sany jaǵdaıynda ónimniń kılogrammen kóp kólemi qamtamasyz etiledi. Biraq Bomba, Mısha, Báıterek, Mıshka na polıýse, Belochka, Karavan, Smak, Korovka jáne Djýsıkı jemis muzdary balmuzdaqtary satylymda bar. Jabyq perımetrdegi jumystyń basynda ónimdiligi táýligine 30 tonna balmuzdaqty qurady, qazirgi ýaqytta 60-qa jýyq, aldaǵy aptada táýligine 80 tonna balmuzdaq shyǵarý josparlanyp otyr. О́tken jyldyń sáıkes kezeńimen salystyrǵanda, satylym 2020 jyldyń naýryz aıynda 26%-dan astam tonnalyq jáne 35%-dan astam aqshalaı sıpatta ósken.
Eskımo jáne «Shın-Laın» plombırleri Qazaqstandaǵy saýda núktelerine jáne Reseı, Belarýs, Ázirbaıjan, Monǵolııadaǵy seriktesterge jiberiledi. Naýryzda Ýkraınaǵa alǵashqy jetkizilim jasalǵan.
Fabrıka qajetti shıkizattyy Malaızııadan, Ońtústik Koreıadan, Reseıden, Belarýsten jáne Eýropadan aldyratyn kórinedi. Balmuzdaqtyń sapasy men dámdik sıpattamalaryna nuqsan keltirmeı, ımporttyq shıkizatty Qazaqstandaǵy ıngredıentterge josparly túrde aýystyrý júrgizilýde.
Karantın kópke sozylǵan jaǵdaıda perımetrdegi qyzmetkerler almastyrylady. Uzaq aýysymǵa kirisý úshin mamandar fabrıkanyń aldynda ornalasqan arnaıy úı-jaıda oqshaýlaý jaǵdaıynda 14 kún ótkizedi jáne medısınalyq qorytyndydan keıin ǵana jumysqa jiberiledi.
«Eskımo nemese plombır – nan nemese qaraqumyq sııaqty birinshi qajettiliktegi ónim emes, - deıdi Andreı Shın. — Balmuzdaqta 100-ge jýyq aǵzaǵa qundy zattar bar. Biz tipti vıtamındermen qosymsha baıytylǵan jańa túrdi shyǵarýdy qarastyrýdamyz. Sonymen qatar, balmuzdaq aǵzada baqyt gormony serotonınniń deńgeıin arttyrýǵa yqpal etedi, sondyqtan kóńil-kúıdi kóteredi jáne stressti jeńýge kómektesedi».
