Álemge, sonyń ishinde elimizge úlken qaýip-qater tónip turǵan syn saǵatta halqymyzdyń amandyǵy úshin qatardan tabylýǵa, qyzmet etýge qashanda daıynbyz. Tosynnan kelgen indettiń irgemizdi sógip, berekemizdi qashyrmas úshin bárimiz judyryqtaı jumylyp, eldigimiz ben birligimizdiń jarqyn úlgisin kórsetýimiz kerek.
Búginde aq halatty abzal jandar – dárigerler men medısına qyzmetkerleri aıaqtarynan tik turyp, halyqtyń densaýlyǵy úshin aıanbaı eńbek etip jatyr. Olarǵa degen qurmetimiz burynǵydan da arta tústi.
Buǵan qosa kún-tún demeı, patrýlge shyǵyp, qala, aýyl-aımaqtyń qaýipsizdigin qamtamasyz etip júrgen, shekaralardy kirpik qaqpaı kúzetip turǵan qanshama otandastarymyz bar. Osynaý qysyltaıań shaqta biz de beı-jaı qalmaı, óz úlesimizdi qosyp, Otanǵa qyzmet etýimiz qajet.
О́zim О́skemen qalasyndaǵy mektepte Alǵashqy áskerı daıyndyq páninen sabaq beremin. Qazir mektebimiz saqtyq sharalaryn kúsheıtip, qashyqtan oqytýǵa kóshti. Men de oqýshylarymmen únemi baılanys ornatyp, hal-jaǵdaılaryn bilip, qazirgi kúrdeli kezeńde elge súıispenshiliktiń, halyqqa qamqorlyqtyń qanshalyqty qundy ekenin túsindirýge tyrysamyn. «Jas búrkit» áskerı-patrıottyq klýbynyń jetekshisi retinde balalardyń Otan aldyndaǵy jaýapkershiligin arttyrýǵa qolymnan kelgenshe jumys istep júrmin. Sondyqtan eldigimiz synalatyn tusta ónege kórsetip, ózim de sapqa turýǵa saqadaı saımyn.
Saıat QALIJANOV,
«Jas búrkit» áskerı-patrıottyq klýbynyń jetekshisi
