«42 500 teńge - memlekettik saqtandyrý qorynan tólenetin áleýmettik tólem. Ol tótenshe jaǵdaı kezinde tabysynan aıyrylǵandarǵa beriledi. Al basqa adamdarǵa zeınetaqy men járdemaqylar ýaqytyly tólenýde. Aı saıyn 300 mlrd teńgege deıin tólenip jatyr. Sondaı-aq kásipker azamattarǵa Úkimet tarapynan salyq, nesıeler, kommýnaldyq shyǵyndar jóninde de kóptegen jeńildikter qarastyrylyp jatyr», dedi Birjan Nurymbetov.
Sondaı-aq ol kópbalaly otbasylar men az qamtylǵan otbasylarǵa beriletin áleýmettik kómekterdi atap ótti.
«Az qamtylǵan otbasylar, onyń ishinde kópbalaly otbasylar da bar. Barlyq múgedek jandarǵa, olardyń jasyna jáne sanatyna qaramastan, sondaı-aq múgedek balany tárbıelep otyrǵan ata-analaǵa, resmı jumyssyz retinde tirkelgen adamdarǵa Prezıdent tapsyrmasy boıynsha memlekettik bıýdjet esebinen, «Biz Birgemiz» qory esebinen jáne el patrıottary esebinen azyq-túlik jıyntyǵy men aqshalaı kómek kórsetilip jatyr», dedi mınıstr.
