Jaýaptylar shahardaǵy áleýmettik mańyzy bar taýarlardyń qunyn kúndelikti qadaǵalaýǵa aldyq dep otyr. Baǵany shamadan tys sharyqtatqandar zań aldynda jaýap bermek.
«Úkimet toǵyz taýar túrin belgilegen. Solardyń baǵasy belgilengen mólsherden aspaýy kerek. Qazir arnaıy jumys toby quryldy. Onyń quramyna prokýratýra qyzmetkerleri, aýdandyq ákimdik pen polısııa qyzmetkerleri kiredi. Atalǵan top qaladaǵy saýda oryndaryna baryp, baǵanyń sharyqtap ketpeýin baqylaıdy. Eger zań buzýshylyq anyqtalsa, ákimshilik jaýapkershilik qarastyrylǵan. Kináli adam 100 aılyq eseptik kórsetkish kóleminde aıyppul tóleıdi. Máselen unnyń birinshi sorty, nan, makaronnyń bir túri, kúrish, sıyr eti, jumyrtqanyń birinshi sanaty, kúnbaǵys maıy, tuz jáne qaraqumyqtyń quny úkimet qoıǵan baǵadan aspaýy qajet», deıdi Almaty qalasy Kásipkerlik jáne ınvestısııalar basqarmasynyń bólim basshysy Damır Tazabek.
