Oqıǵadan habardar selo turǵyndary ashqa jınap, jigittiń «Nıva» mashınasyna toltyryp benzın quıady. Bul jerden Sheshenstanǵa deıin 13000 shaqyrym jol. Bir aptanyń ishinde úlgerýi tıis. Qysqasy, Serega dosyn qutqarý úshin jolǵa shyǵady.
Itarqasy qıyrdan jankeshti jigit dosyn qutqarý úshin jolǵa shyqqany jaıly «Sovershenno sekretno» gazeti birinshi betten onyń sýretin qosyp maqala jarııalaıdy. Ony ár jerdegi ólkelik, aýdandyq t.b. gazetter kóshirip basyp, eldiń bári biledi. Tipti jolaı kezdesken qarapaıym adamdar qolyndaǵy bir-eki rýblderin ustatsa, keıbireýi mashınasyna toltyryp benzın quıyp beredi. Pırojkılerin qaǵazǵa orap ala júgirgen apalar qanshama.
Ol kezde jalpaq Reseıdi reket degen tektekter jaılap jatqan. Olar Sereganyń qaıda kele jatqanyn, qansha aqshasy baryn alaqandaǵydaı bilip otyrdy. Biraq birde-bireýi tıispedi. О́ıtkeni, jankeshti jigit «Iа edý drýga spasat» dep jazyp, mashınasynyń mańdaıshasyna japsyryp qoıǵan.
Bir joly qos dóńgelegi qatar jarylyp, ne isterin bilmeı qınalyp turǵanda jol tonaýshy bir top qaraqshylar kelip, «Serega qoryqpa, biz bárin baqylap otyrmyz, sen naǵyz azamatsyń!» dep, ózderi minip kelgen mashınasynyń qos dóńgelegin salyp berip, bir jáshik araqty júksalǵyshqa tıep uzyn jolǵa shyǵaryp salypty.
Sodan bir apta degende Serega Sheshenstan shekarasyna tumsyq tireıdi. Alda qaýipti shep. Osy jerde jolyqqan MAI-dyń saqa maıory «Serega, seni kútip júr edim, kelgen ekensiń. Endi myna soqpaqqa tús. Eshqashan toqtaýǵa bolmaıdy. Qazir kúz. Taýdyń ara raıy qatal. Má, mynany kıip al!» dep maıor pogandy shınelin sheship beredi.
Sheshenstan shebine kirgen Sereganyń jaıynan eldi kóbi habardar... tipti kórgen jan jyly shyraı tanytyp álek. Biraq mejeden eki kún asyp ketti. Qyzyq bolǵanda dosyn kepilge alǵan sheshen jasaǵy «dosy úshin» janyn jaldap kelgen azamatty syılap, qaltasyndaǵy aqshasyn da almaı, bala kezden bire ósken jan serigin taýdan túsirip, ekeýin aman-saý qoıaa bergen.
Shyn máninde sheshen jigitteriniń júregin jibitken Sereganyń «Dosym úshin» («Za drýga») degen adal nıeti men shynaıy yqylysy bolatyn.
