Qazaqstanda 1 sáýirden bastap áleýmettik mańyzy bar azyq-túlik taýarlaryna shekti bólshek saýda baǵasy engizildi.
Atap aıtqanda, birinshi sortty bıdaı unynan jasalǵan nannyń shekti bólshek baǵasy – 150 teńgeni, birinshi sortty bıdaı unynyń kelisi – 197 teńgeni, ólshemeli kespe – 230 teńgeni, ólshemeli arpa jarmasy (dán) – 339 teńgeni, óńdelgen ólshemeli kúrish – 307 teńgeni, sıyr eti (súıekteri bar jaýyryn-keýde bóligi) – 2 113 teńgeni, taýyq jumyrtqasy (ondyq, birinshi sanat) – 351 teńgeni, kúnbaǵys maıy – 481 teńgeni, as tuzy («Ekstradan» basqa) – 55 teńgeni quraıdy.
«Bekitilgen baǵa mólsherin arttyrǵany úshin 265 100 teńgeden 530 200 teńgege deıingi mólsherde aıyppul salý týraly ákimshilik jaýapkershilik qarastyrylǵan», - dep habarlaıdy qalalyq prokýratýra.
Karantın kezinde týyndaǵan barlyq máseleler boıynsha, taýarlar men dári-dármekterdi alýda alyp-satarlyqqa tap bolǵan jaǵdaıda Nur-Sultan qalalyq prokýratýrasynyń mobıldi tobyna 8 (7172) 71-24-97, 8-701-999-17-59 nomeri arqyly habarlasýǵa bolady.
