Osy jyldyń 16 qyrkúıeginen bastap, dúısenbi men beısenbi aralyǵynda saǵat 21.50-de Ulttyq arna efırinen «Uljan» atty jańa telehıkaıa kórermenderge jol tartpaq.
Osy jyldyń 16 qyrkúıeginen bastap, dúısenbi men beısenbi aralyǵynda saǵat 21.50-de Ulttyq arna efırinen «Uljan» atty jańa telehıkaıa kórermenderge jol tartpaq.
Tól telehıkaıa – qarapaıym qazaq otbasynyń tirshiligin shynaıy oqıǵa men qazaqy drama negizinde baıandaıtyn týyndy. Bas keıipker – táýelsizdik jyldary moınyna úlken jaýapkershilik júgi artylǵan, keıinnen aıtarlyqtaı jetistikterge qol jetkizip, naǵyz dáýletti kásipkerge aınalǵan qazaqtyń kelinshegi. Munda taǵdyrdyń qıyndyǵy men qıly-qıly joldarynan óte júrip, balalaryn jetkizgen ananyń ardaqty ary men beınesi tushymdy bederlenedi. Bul hıkaıadan búgingi qoǵamdaǵy áıelderdiń alatyn orny men shynaıy bolmysyn boıamasyz kórsetýge talpynysty baıqaımyz.
Taǵdyr tálkegine moıymaǵan qazaq áıeliniń keskin-kelbeti eshkimdi de beıjaı qaldyrmasy anyq. «Qazaqstan» ulttyq arnasynyń kezekti otandyq telehıkaıasy bul saladaǵy izdenistiń munan ári de jalǵasa túsetinine sendiredi.
«Egemen-aqparat».
