«Jarystyń barlyǵyn sońyna taıap, maýsym aıaqtalar tusta karantın jarııalandy. Qazirgi tańda úıde otbasymyzben birgemiz. Qazir barlyǵymyz birge maýsym bitken soń demalyp alyp, onlaın jattyǵýǵa kóshtik. Velojattyǵýdan bastadyq jattyǵýdy. Dene shynyqtyrýmen aınalysyp, ózimizdiń osal tusymyzdy baıqap, sony jaqsartýǵa jumys istep jatyrmyz. Odan bólek, kitap oqyp, til úırenip, ózimizdi damytýǵa barymyzdy salýdamyz", deıdi Roman Krech.
Sonymen qatar Roman Krech jaraqatyna baılanysty bir maýsymnan tys qalǵany týraly da aıtyp berdi.
«Aldyńǵy maýsymnan tolyq tys qaldym desem bolady. Jarys túgili, jattyǵý jıyndaryna qatysa almadym. Fızıkalyq, moraldi turǵydan tolyq demaldym. Muzǵa qashan shyǵatynym belgisiz boldy. Jaraqatymnyń kesirinen sport mansabymdy aıaqtaımyn ba dep oıladym. Alaıda, qıyn sátte komanda meni qoldap, berilmeýge úgittep, jigerlendirdi. Ulttyq quramaǵa, bas bapkerge qoldaýy úshin erekshe alǵys aıtamyn. Jaraqatymnan aıyqqan keıin muzǵa shyǵyp, ózimdi qolǵa aldym. Úzdiktermen synǵa túskennen keıin ózimdi qaırap, qalpyma keldim", dep bólisti Roman.
