Keıýana qarııalar úıiniń turǵyny eken. Múmkin bul kisi tek Nıderland ǵana emes, jalpaq jahanda juqpaly vırýsty jeńip shyqqan eń úlken jastaǵy jalǵyz adam shyǵar.
Jaryqtyq jýyqta ǵana 107 jasqa tolǵan mereıli sátin atap ótken, onymen qoımaı bir top zamandastaryn bastap «elimizdi indetten saqta» degen nıetpen shirkeýge barǵan. Barlyǵy 40 shaqty adam. Qarııalar indetti osy jerden juqtyrypty. Ázirge bulardyń 10-y o dúnıege attanǵan.
Qyzyq bolǵanda jasy ǵasyrdan asqan Kornelııa apamyzdy aýrýdan saýyǵar dep eshkim úmittenbepti. Qyzǵaldaqtar elinde mundaı oqıǵa barshylyq kórinedi. K.Ras apamyzdan buryn 101 jastaǵy taǵy bir qart ana jebir dertti jeńip shyǵypty. Ol eldiń ońtústiginde ornalasqan Gollandııa shtatynyń turǵyny eken. Sol sııaqty, Stenbergen qalasynda turatyn 103 jastaǵy aqsaqal da dert juqtyryp, júıeli em-dári qabyldaýdan keıin qulantaza aıyqqan.
