«14 naýryzda Kókshetaý qalasynyń Áshimov kóshesinde avtomobıl kópirinde sý tasý oryn aldy. Ýaqtyly qabyldanǵan sharalardyń arqasynda turǵyn úılerdi sý basqan joq. О́ńirlerdegi sý tasqyny kezeńiniń qaýipsiz ótýi maqsatynda muzdy bosatý, aryqtardy, arnalardy jáne avtomobıl men temir joldarynyń astyndaǵy sý ótkizý qurylystaryn tazalaý profılaktıkalyq is-sharalary júrgizilýde», dedi ol.
Ishki ister mınıstri orynbasarynyń sózine sensek, Aqmola, Qostanaı, Shyǵys Qazaqstan jáne Soltústik Qazaqstan oblystary sý tasqynynyń belsendi fazasyna túsip otyr.
«Temperatýranyń joǵarylaýy saldarynan qarqyndy túrde qar erý jalǵasýda, jekelegen óńirlerde qar jáne jańbyr túrinde mol jaýyn-shashyn túsýde. Osynyń bári sý tasqynynyń kúrdelenýine ákep soǵady. 7-9 sáýir aralyǵynda respýblıkada erigen qar sýy men tasqyn sýlary Qostanaı oblysynda 60 turǵyn úıdi jáne Aqmola, Shyǵys Qazaqstan, Qostanaı oblystarynyń 115 aýla aýmaqtaryn basty. Qar jáne jańbyr túrinde mol jaýyn-shashyn túsýi, óristerden erigen qar sýynyń kelýi saldarynan Timtýir ózeniniń sý deńgeıi kóterildi, bul 60 turǵyn úı men Qostanaı oblysy Qarasý aýdanynyń Qaramyrza aýylynda Naberejnaıa kóshesinde ornalasqan 110 aýla aýmaqtaryn sý basýǵa ákep soqty», dedi Iý.Ilın.
