«Qostanaı oblysynda 47 adam, sonyń ishinde 13 bala evakýasııalandy. Olardyń barlyǵy týystaryna ornalastyryldy. Aýyl sharýashylyǵy janýarlaryn saqtap qalý úshin 608 bas iri jáne usaq mal, 450 shoshqa jáne 15 jylqy qaýipsiz jerge aýystyryldy», dedi Iýrıı Ilın.
Onyń aıtýynsha, qardyń qarqyndy erýinen jáne mol jaýyn-shashynnyń túsýinen Jabaı ózeninde sý deńgeıi 3 metrge deıin kúrt kóterilgen.
«Aqmola oblysy Sandyqtaý aýdanynyń Balqashıno aýylynda 2 aýla mańy aýmaǵyn sý basty. Aqmola oblysy Sandyqtaý adanynyń Balqashıno aýylyndaǵy turǵyn úılerdi sý basý qaýpin joıý úshin 32 adam, 8 birlik tehnıka men 2 júzý quraly jumyldyryldy. Shyǵys Qazaqstan oblysynda aýla aýmaǵyndaǵy sý sorý, aryqtardy tazalaý jumystary júrgizilýde», dedi ol.
