Olar saıajaı qoǵamdastyqtarynyń tóraǵalarymen, kúzetshilerimen baılanys ornatyp, telefondarymen almasady, sondaı-aq, ýchaskelerdegi jaǵdaımen tanysady. Qylmystar men quqyq buzýshylyqtardyń ashylýy turǵyndarmen júrgiziletin ózara qarym-qatynasqa tikeleı baılanysty. «Sonymen qatar, biz tótenshe jaǵdaı rejiminiń erejelerin saıajaı qoǵamdastyqtarynyń tóraǵalaryna túsindiremiz», - deıdi Petropavl qalasy polısııa basqarmasynyń kavalerııa vzvodynyń komandıri, polısııa starshınasy Jaqsylyq Qojeldaqov.
Onyń aıtýynsha, azamattar densaýlyqtaryn saqtap, ózderin oqshaýlaýy tıis. Pandemııa órship turǵandyqtan bir jerde úsh adamnan artyq jınalmaý, eki metrdeı ara qashyqtyqty saqtaý qajet ekenin eske salamyz. SQO Bas sanıtarlyq dárigeriniń qaýlysyna sáıkes, úıden tek jumysqa, jaqyn mańdaǵy dúken men dárihanaǵa shyǵýǵa, sondaı-aq qoqys shyǵarýǵa bolady. Saıajaılar bul tizimge kirmeıdi. Sondyqtan basyńyzdy qaterge tigip, táýekelge barýdyń qajeti joq».
Bul jerlerde sý tasqyny da bolý qaýpi bar. Saıajaı ýchaskelerine sý kenetten kelip qalýy múmkin bolǵandyqtan kúzetshiler únemi saq bolýy tıis.
Salt atty saqshylardyń baǵyttary 17 saıajaı qoǵamdastyqtarynyń aýmaǵy arqyly ótedi. Koronavırýs boıynsha jarııalanǵan tótenshe jaǵdaı rejimine baılanysty saıajaı maýsymy keıinge shegerildi. Degenmen de, saıajaı urlyqtaryn boldyrmaý mańyzdy mindetterdiń biri bolyp tabylady. Saıajaı ýchaskeleri baý-baqsha maýsymy aıaqtalǵansha tártip saqshylarynyń baqylaýynda bolady.
PETROPAVL
