Ásirese, bıylǵy kóktem tekelilikter úshin erekshe este qalatyn oqıǵaǵa toly bolaıyn dep tur. Qalaǵa qos aqqý ushyp keldi. Tekelini qaq jaryp aǵatyn qos ózen – Qora men Shajanyń toǵysatyn tusynan aǵyndy Qaratal ózeni bastaý alady. Qos aqqý dál osy ózender túıisken tusqa qonyp, erkin júzip júr.
- Eki ózen toǵysyp, Qarataldyń bastaý alatyn tusy bir ǵajap kóriniske ıe edi. Osy tustan kópir salýdy josparlap júrgenbiz. Ony jobasy da daıyn bolatyn. Kópirge «Mahabat kópiri» degen ataý da berip qoıǵanbyz. Al dál osy tusqa qos aqqý qonyp, sýda erkin júzip júrgenin qala turyǵndary jaqsy yrymǵa joryp jatyr, - deıdi Tekeli qalasynyń ákimi Baqtııar О́nerbaev.
