88 jastaǵy áıgili amerıkalyq promoýterdiń aıtýynsha, kezinde mafııa sporttyń kóptegen túri ókilderine óz yqpalyn júrgizgeni ras. Kásipqoı boksta da ondaılar az bolmapty. Júzdegen jýyn judyryqty jigitter solardyń jeteginde ketti. Jeńý kerek dese jeńdi, jeńilý qajet dese jeńildi. О́ıtkeni, báske mol aqsha tigiledi. Ońaı jolmen baıýdy kózdegen qylmystyq elementter osyndaı opasyzdyqqa jıi baratyn.
-Sol zamanda mafııaǵa esh qatysy joq jalǵyz boksshy Muhammed Álı edi. О́ıtkeni, dańqty bylǵary qolǵap sheberi «Islam Ulttary» uıymnyń qatarynda boldy. Al qylmys áleminiń serkeleri «aǵaıyndylardan» árkez aýlaq júrýge tyrysatyn. Sol sebepti de mafııa Muhammedke esh jolaǵan joq. Keıinnen «Islam Ulttary» kúsheıgende, basbuzarlar boks salasynan múlde alystady. Sol sekildi mafııanyń músheleri menen de qaımyǵatyn. Olar Bob Arýmdy jasyryn qyzmet atqaryp júrgen federaldy agent dep oılaıtyn. Tipten, ózimniń qurdasym ári osy kásiptegi basty básekelesim Don Kıng myrza áli de solaı oılaıdy, - dep Arým aqsaqal qyzyqty bir áńgimeniń tıegin aǵytty.
