«10 jyl buryn men Elbasynyń baspasóz hatshysy qyzmetine ornalastym. Eldegi ınternet saıttyń birinde Elbasynyń aýyr syrqaty jaıynda post jarııalandy. Jaǵamdy ustadym. Sebebi, sol kúni men Elbasynyń tóraǵalyǵymen ótken jınalysqa qatystym. Keshke taman shydaı almaı bul týraly Nursultan Ábishulyna aıttym» dedi mınıstr.
Dáýren Abaev Tuńǵysh Prezıdenttiń bul jaıyndaǵy támsilin keltirdi.
«Meniń qasymda qyzmetińdi endi bastap jatyrsyń ǵoı. Bir dúnıe esińde bolsyn. Balaqtyń shańyn qaǵa berseń, baratyn jerge ýaqytynda jete almaısyń. Ondaı áńgimeni tileýles jurt ýaıymdap aıtsa, mysyqtileý adamdar ádeıi aıtady. Onyń bárin tyńdaı berseń, jumysty kim isteıdi? Sondyqtan mundaı sózge kóńil bóle berme!" dedi ol maǵan» dep esine aldy Abaev Elbasynyń sózin.
