JUMYLA KО́TERGEN JÚK JEŃIL

Qańtar aıynyń sońynda Elbasy Nursultan Nazarbaev ádettegideı óziniń jyl saıynǵy Qazaqstan halqyna Jol­daýyn jarııalady. 2020 jylǵa deıingi damý strategııasyn júzege asyrýǵa arnal­ǵan Memleket basshysynyń “Jańa on­jyldyq – jańa ekonomıkalyq órleý – Qazaqstannyń jańa múmkindikteri” atty Joldaýyn podpolkovnık Qaırat Aqtanov pármen etetin IIM Ishki áskerleriniń 6637 áskerı bólim basshylyǵy men jeke quramy da qyzý talqyǵa saldy. Elbasynyń Joldaýyn búkil qazaq­stan­dyqtarmen birge, Ishki áskerlerdiń 6637 áskerı bóliminiń basshylyǵy basta­ǵan basqarma ofıserleri men jeke quramy telearnadan tikeleı efır arqyly tyńdady. Basy qaıyrylǵan qyrýar is saralanyp, atqarylar jumystar tilge tıek bolǵan Elbasynyń Joldaýynan bólim qyzmetkerleri jańa onjyldyqta elimizdiń qaryshtap damýyna sebepshi bolar jańa múmkindiktermen tanysty. Aldaǵy onjyldyqta atqarylar ju­mystyń aýqymy keń. Sondyqtan da “Kóp túkirse kól bolar” demekshi, Elbasy árbir qazaqstandyqty Qazaqstannyń damyp, gúldenýi jolynda, birligimiz ben yn­ty­maq­tastyǵymyzdy nyǵaıtýda birge qı­myl­daýǵa shaqyrdy. Al áskerıler árkez elimizdiń zańdy saılanǵan Prezıdentine kómekke kelýge daıyn. Eń bastysy – ekonomıkany jahan­dan­dyrýǵa daıyndaý jáne onyń syrtqy qaýipterde de turaqtylyǵyn arttyrý maqsatynda Elbasy quqyqtyq ortany qalyptastyrýdy odan ári jalǵastyrý ýaqyt ozdyrmaı sheshýdi talap etetin úsh mindettiń biri ekenin erekshe atap ótti. Osy oraıda, quqyqtyq tártip áskeri bolyp sanalatyn Ishki áskerlerdiń sar­darlary men sarbazdary Elbasy Jol­daýynda aıshyqtalǵan ulttyq qaýipsizdikti nyǵaıtyp, quqyq qorǵaý júıesin refor­malaý baǵytyndaǵy jumystardy bir aýyzdan qoldap, ózderiniń súbeli úlesterin qosýǵa saqadaı saı ekenin bildirdi. Elbasy Joldaýy qyzý talqyǵa túsip, jeke quram arasynda onyń negizgi baǵyt­taryn túsindirý-nasıhattaý jumystary qyzý júrip jatyr. 6637 áskerı bóliminiń qyzmetkerleri Qazaq eliniń “Strategııa – 2020” jospary kóshbasshylyqqa aparar qazaqstandyq sara jol bolyp tabyla­ty­nyn sezinedi jáne jańa onjyldyqta Mem­leket basshysy belgilegen jańa múm­kin­dikter men orasan zor mindetterdi uıys­tyrýshy ulttyq strategııasyz oryn­daý múmkin emes ekenin de jaqsy túsinedi. Otanǵa rııasyz qyzmet etýge nyq bel býǵan 6637 áskerı bóliminiń sardarlary men sarbazdary, kezinde áskerı ant qabyldaı otyryp, aqtyq demi qalǵansha egemendi Qazaq eline, onyń halqyna adal qyzmet etip, el Prezıdenti belgilegen mindetterdi múltiksiz oryndaýǵa mindet alǵan bolatyn. Bul joly da bizdiń áskerı qyzmetshilerimiz Elbasy bastaǵan bastamany qostap, elmen etene birge ekenin taǵy bir márte dáleldedi. 6637 áskerı bóliminiń komandıri pod­pol­kovnık Qaırat Aqtanov bólimniń jeke quramy qashanda elimizdiń Prezıdentiniń saıasatyn qoldaıtynyn jáne N.Á.Nazar­baev­tyń atap ótkenindeı 2030 jylǵa deıingi damý Strategııasynda aıqyndalǵan maqsattardy júzege asyra otyryp, táýel­sizdigi bekem, ekonomıkasy órkendegen, saıası turaqtylyǵy ornyqqan Qazaq­stan­dy qurý týraly mıssııamyzdy tabysty oryndaýda” namysty qoldan bermeıtin qaǵıdattardy basshylyqqa alatynyn atap ótti. Árkez jeke qurammen kezdesý barysynda bólim komandıri Elbasy bizge senip tapsyrǵan basty maqsat-mindetterdi oryndaýda “Dástúrge adal namysker, el qorǵany – Ishki ásker” degen Ishki áskerlerdiń uranyn basshylyqqa alýdy qadap tapsyrdy. Danagúl ALǴOJINA, 6637 áskerı bóliminiń baspasóz qyzmetkeri. Soltústik Qazaqstan oblysy.