Sońǵy jyldardaǵy qar sýynyń jetimsizdigi, jazdaǵy qýańshylyq saldarynan óńirdegi ózen-kólderdiń kóbiniń sýy tartylyp, keıbireýleriniń tabany múldem qurǵap qaldy. Bul olardaǵy balyqtyń da quryp ketýine soqtyrýda. О́nerkásiptik maqsatty bylaı qoıǵanda, áýesqoı balyqshylyqpen aınalysýdyń ózine qaýip bulty tóne bastady. Oblysta ózen-kólderdi balyqtandyrýdyń qazirgi jaı-kúıi qandaı? Bar balyqty saqtaýǵa qanshalyqty kóńil bólinýde?
«Egemen Qazaqstan» gazetiniń Aqtóbe oblysyndaǵy tilshisi Satybaldy Sáýirbaı Tobyl-Torǵaı oblysaralyq basseındik balyq sharýashylyǵy ınspeksııasy Aqtóbe oblysy boıynsha balyq ınspeksııasy bóliminiń basshysy Maqsat Razbaevqa:
– Siz buǵan ne deısiz?
Sońǵy jyldardaǵy qar sýynyń jetimsizdigi, jazdaǵy qýańshylyq saldarynan óńirdegi ózen-kólderdiń kóbiniń sýy tartylyp, keıbireýleriniń tabany múldem qurǵap qaldy. Bul olardaǵy balyqtyń da quryp ketýine soqtyrýda. О́nerkásiptik maqsatty bylaı qoıǵanda, áýesqoı balyqshylyqpen aınalysýdyń ózine qaýip bulty tóne bastady. Oblysta ózen-kólderdi balyqtandyrýdyń qazirgi jaı-kúıi qandaı? Bar balyqty saqtaýǵa qanshalyqty kóńil bólinýde?
«Egemen Qazaqstan» gazetiniń Aqtóbe oblysyndaǵy tilshisi Satybaldy Sáýirbaı Tobyl-Torǵaı oblysaralyq basseındik balyq sharýashylyǵy ınspeksııasy Aqtóbe oblysy boıynsha balyq ınspeksııasy bóliminiń basshysy Maqsat Razbaevqa:
– Siz buǵan ne deısiz?
– Qazir oblystaǵy sý kózderi tolyq esepke alyndy. Oblys ákimdiginiń 2008 jylǵy 12 mamyrdaǵy №167 qaýlysymen bekitilgen jergilikti mańyzy bar sý aıdyndary tizimine 77 iri sý aıdyndary engizilgen. Onyń ishinde 10 ózen salalary, 51 kól, 8 sý qoımasy, 8 toǵan bar. 2004-2011 jyldary 33 sý aıdyndary, onyń ishinde 8 ózen salalary, 13 kól, 5 sý toǵany, 6 sý qoımasy sharýashylyq qurylymdaryna on jyl merzimge jalǵa jáne bir toǵandar júıesi «Ardaǵym» sharýa qojalyǵyna jeke menshikke bekitilip berildi.
Sońǵy bes-alty jyl boıy qar jáne jańbyr sýynyń tapshylyǵyna baılanysty ózen-kólder, sý qoımalary men toǵandar qajetinshe sýǵa tolmaı, balyqtyń ósip-ónýine kóp qıyndyq keltirgeni ras. Ony aıtasyz, Yrǵyz aýdanynda –16, Alǵa aýdanynda bir kóldiń tabany tartylyp, keýip qaldy. Osy sebepterge baılanysty ótken jyly jeti paıdalanýshy 9 kólden jáne Yrǵyz ózeni júıelerinen bas tartyp, bekitilgen sý aıdyndarynan bosatyldy. Aýa raıynyń kúrdeli jaǵdaıyna tap bolǵan paıdalanýshylardyń balyq sharýashylyǵyn damytýǵa baǵyttalǵan josparly jumystardy júrgizýge múmkindigi joq. Kólderdegi sýdyń keýip ketýine baılanysty ǵylymı jumystarǵa, tehnıkalyq-tehnologııalyq quraldarmen jabdyqtaýǵa jáne balyqtandyrý jumystaryn júrgizýge qarjy bólý toqtap tur. Sondyqtan sý kózderin paıdalanýshylardyń jalpy kórsetkishi tómendeýde.
Bıyl mamyr aıynda Yrǵyz aýdanyndaǵy ózen-kólderge tekserý jumystary júrgizildi.Tekserý barysynda 15 kóldiń tolyqtaı keýip qalǵany, al birqatarynyń sýy azaıǵany anyqtaldy. О́tken jyly oblysqa bekitilgen balyq aýlaý lımıti 152,8 tonna bolatyn, bul kórsetkish tolyǵymen oryndaldy. Oblys boıynsha 2013 jylǵa 120,8 tonna balyq aýlaýǵa lımıt bólingen. Osynyń ózinen-aq, ózen-kólderdegi balyqtyń jyl ótken saıyn azaıyp bara jatqanyn ańǵarý qıyn emes.
Solaı bola tursa da, biz balyq qorǵaý jumystaryn júıeli júrgizip kelemiz. Oblysta ózen-kólderdi balyqtandyrý jumystary jalǵasýda.
Aqtóbe oblysy.
