Bul qaıyrymdylyq aksııasyn sol qalanyń «SK Ýnııa Soles Kýıavskı» klýbynyń prezıdenti – Mateýsh Chıjevskı bastaǵan. Ol óz qalasynyń tanymal tulǵalaryn qaıyrymdylyq is-sharasyn qoldaýǵa shaqyryp, áleýmettik jelide «Biz aýrýhana úshin oınaımyz» degen jazýy bar foto jarııalaǵan.
«Bizdiń qalada jomart jandar jetkilikti. Solardyń biri – úlken júrekti azamat Iаsek Gýralskı. Polsha quramasynyń fýtbolshysy osyndaı qıyn-qystaý ýaqytta bizdi qoldaıdy dep senemiz. Aıtpaqshy, bizdiń komandadaǵy eń úzdik oıynshynyń biri Iаsekti kýmırim dep sanaıdy», dep jazǵan Chıjevskı.
100 myń zlot (10,2 mıllıonnan teńgeden astam) kóleminde qarajat jınaý Zrzutka.pl saıtynda júrgiziledi. Gýralskıdiń ózi 500 zlot bóldi (51 myń 221 teńge). Jınalǵan somma dárigerlerge arnalǵan qorǵanys quraldaryn satyp alýǵa jumsalady.
27 jastaǵy Gýralskı «Qaırat» sapyna jyl basynda Bolgarııanyń «Lýdogors» klýbynan aýysqan bolatyn.
Aıta keteıik, buǵan deıin «Astananyń» chernogorııalyq fýtbolshysy Jarko Tomashevıch ta qaıyrymdylyq jasaǵan bolatyn.
