Aýdandyq sotta «TrueConf» mobıldi baılanys júıesin qoldaný arqyly QR ÁQBtK-niń 476 jáne 608 baptarynda kózdelgen quqyq buzýshylyqtardy jasaǵan azamattarǵa qatysty ákimshilik ister qaraldy.
Sot otyrysynda anyqtalǵandaı aýdan turǵyny tótenshe jaǵdaıǵa baılanysty kólik quraldarynyń júrýine qoıylǵan shekteýlerge qaramaı, Áıteke bı kóshesiniń boıynda avtokóligin masań kúıde basqaryp, jol erejesin buzǵan. Osylaısha qarsy baǵyttaǵy kólikke soǵyp, jol jıeginde turǵan temir sharbaqtar men konteınerli dúńgirshekke zaqym keltirgen.
Karantın talabyn saqtamaǵan, jábirlenýshilerdiń múlikterin búldirip, materıaldyq zalal keltirgen ol QR ÁQBtK-niń 476-baby 9-tarmaqshasymen jáne 608-baby 3-bóligimen kináli dep tanylyp, 30 táýlikke ákimshilik qamaqqa alynyp, jeti jyl merzimge kólik quralyn basqarý quqyǵynan aıyryldy.
Kólik rýline iship alyp otyrǵan taǵy bir turǵyn QR ÁQBtK-niń 608-baby 1-bóligimen jáne 476-baby 9-tarmaqshasymen kináli dep tanylyp, túpkilikti 18 táýlik ákimshilik qamaqqa alyndy. Sot sheshimimen ol da jeti jylǵa deıin kólik quralyn basqara almaıdy.
Sonymen qatar, kólik quralyn basqarý quqyǵy joq bolsa da, ishimdikten jutyp alyp, kóshede yzǵytyp júrgen taǵy bir azamat QR ÁQBtK-niń 608-baby 6-bóligimen jáne 476-baby 9-tarmaqshasymen kináli dep tanylyp, túpkilikti 23 táýlik ákimshilik qamaqqa alyndy.
